Foz, 16 de novembro de 2024. O Concello de Foz abrirá a sala de estudos da biblioteca municipal Salgado Tomil este vindeiro luns, día 18 de novembro.
A concelleira de Cultura, Inés López Couto, anuncia que “o Concello de Foz continúa o seu esforzo inversor na cultura e a formación. Con cargo a fondos propios levou a cabo un cambio de uso nunha sala infrautilizada da Casa da Cultura. O investimento supera os 10.000 euros. A sala do primeiro andar que se utilizaba para exposicións cambia de uso para ser unha sala de estudos, xa que as exposicións teñen o seu lugar no CENIMA”.
O alcalde, Fran Cajoto, explica que era “unha demanda que nos trasladaban os opositores, a xente que vén estudar todos os días á biblioteca, é dispoñer dun espazo cómodo e en silencio para poder concentrarse. Ampliamos o horario da biblioteca e agora cumprimos tamén con esa demanda na nova sala de estudos. Un novo servizo que non abunda e que por fin ofrecemos: Foz estase transformando de vila a cidade, aumentando os empadroamentos e crecendo e require do noso esforzo para que sexa o mellor lugar para vivir”.
“A sala de estudos vai intentar cubrir a demanda dun lugar silencioso pensado so para ir a estudar de forma individual”, comenta a concelleira de Cultura, Inés López Couto, que engade: “pregamos que o uso sexa para o que foi creada, un punto de estudo tranquilo cun mobiliario pensado so para iso, á imaxe das salas de estudo universitarias. A biblioteca continuará a ser destinada como punto de encontro para rapaces que fagan traballos, persoas que queiran ir ler a prensa, papás que queiran ler libros aos seus pequenos, etcétera, un centro con vida e no que se permite falar en voz baixa. Mais na sala de estudos pedirase silencio total”.
Esta sala de estudos conta con mesas con luminaria, enchufes nas mesas, conexión usb e usbc. “As lámpadas do teito tamén se cambiaron a tecnoloxía led e proximamente renovaranse as da biblioteca”, explica Ángel Fernández, concelleiro de Servizos Públicos.
“As mesas son coma as das salas de estudo das cidades. Investimos na cultura e nos espazos formativos pensando en mellorar os servizos de Foz, un pobo con moitas inquietudes culturais e con estudantes que necesitan un lugar de traballo tranquilo” explica Inés López, que remata anunciando que “os nosos novos retos para a Casa da Cultura son unha mellora da fachada e do salón de actos, así coma tentar ampliar os horarios, que xa son uns dos máis amplos da zona, pero queremos melloralos. Continuaremos a traballar nesa liña”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
