Ribadeo, 26 de novembro de 2024. Novo convenio da Xunta para reformar a Praza Pancho Maseda e o entorno das vivendas sociais da rúa Clemente Martínez Pasarón. Ribadeo mellorará así a accesibilidade de varios espazos no casco histórico.
O alcalde, Dani Vega, explicou que “seguimos investindo, seguimos mellorando o noso casco histórico. Nestes momentos estamos a traballar na praza Pancho Maseda. Qué buscamos con esta mellora? A mellora da accesibilidade. É moi importante que todos os espazos públicos, todos os edificios públicos, teñan esa accesibilidade garantida. Fixémolo fai poucos días coa Escola de Música, construíndo ese ascensor e tamén eliminando as barreiras arquitectónicas, por exemplo, na porta lateral. Eu creo que é unha obra moi importante ter un novo ascensor, pero tamén é moi importante que as prazas, que os espazos públicos, teñan esa accesibilidade”.
O rexedor contou que “nesta praza, Pancho Maseda, agora no centro social hai moi actividade, hai moi persoas que acoden aí e hai que garantir tamén ese espazo seguro. Falamos, por exemplo, de que poida entrar un vehículo de emerxencias, unha ambulancia, un vehículo sanitario. Iso é o que queremos garantir, un espazo ao que poida entrar calquera vehículo dada unha dificultade. Tamén queremos mellorar todo o solo, toda esa lousa pedra. Debemos fixala, debemos colocala ben, debemos garantir a seguridade, eliminar todos eses árbores que ou estaban enfermos ou secos ou algún, dado que non se fixo unha poda, xa creou unha sobre poboación, e polo tanto non hai maneira de corrixilos, por iso se van plantar outros árbores”.
Vega subliñou que “tamén queremos garantir a seguridade baixando ao aparcamento da Rúa do Pobo. Hai unas escaleiras que esvaraban moitísimo. Vamos colocar unha valla para que non haxa risco de esvarar e polo tanto esa seguridade tamén garantila ou colocar unha valla nese muro final. Vamos colocar as bandeiras do Concello para sacalas do balcón, dado que producen danos, vamos colocalas tamén nesta zona. E tamén vamos mellorar todo o acceso ao edificio do Concello. Na entrada hai que arranxar as escaleiras, que están danadas, toda a rexa que está danada tamén debemos corrixila, o balcón central ten problemas porque durante os anos non houbo algún mantemento importante, tamén debemos investir aí. Ou diante da oficina de turismo, tamén vamos arranxar certas problemáticas que ten esa praza. Ou diante mesmo das vivendas sociais vamos eliminar todos eses contedores que non funcionan. Está certamente abandonado todo ese entorno. Vamos construír unha praciña, cun solo de pedra e colocar aí os contedores todos ben ordenados e unha zona de descanso para as persoas”.
O alcalde dixo que “adecentar todo o noso casco histórico, buscar a seguridade e tamén a accesibilidade son as obras que estamos realizando nestes momentos na Praza Pancho Maseda, diante tamén da oficina de turismo e tamén diante das vivendas sociais”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
