Os mariñaos apretaron a un dos máis grandes na súa casa especialmente na segunda parte na que foron superiores
Burela, 16 de noviembre, novembro. O conxunto masculino do Pescados Rubén Burela FS afronta outro dos partidos máis duros da tempada, fóra da casa, ante un dos grandes colosos da categoría, o Barça, no Palau Blaugrana, esta tarde ás 19.00h, cun resultado final 2-1. A pesar do duro comezo para o Burela cun gol dun impoñente Fits no minuto dous do partido, o equipo soubo organizar un xogo ben surtido tanto en ataque coma en defensa durante os 40 minutos, aínda que especialmente destacable na segunda parte do encontro na que rozaron a remontada no Palau.
Comeza o encontro cun Burela con ganas, creando perigo desde o minuto 1 na cancha dun soberano Barça. No primeiro minuto triple ocasión dos Pícaros con tres disparos consecutivos de Pitero, Rikelme e Araya frustrados por Feixas. No minuto 2, Fits anota o 1-0 nunha xogada individual na que burla a Michal na área coándolla por detras tras un xiro. No minuto 7 primeira intervención espectacular a un disparo de Marcel, dun Michal Kaluza que, outra vez, bordou o partido, especialmente na segunda parte. No 8 a segunda do polaco nun disparo raso de Fits desde o bordo da área e novamente unha terceira nun remate do mesmo Fits que tenta coala desde o segundo pau. O Pescados Rubén busca e consegue o xogo ofensivo, presionando a un Barça que defende máis do esperado durante todo o partido. No minuto 17 chega o segundo do conxunto catalán cun disparo de Sergio Lozano só ante Michal tras un erro de entendemento entre Isma e Alberto en media pista. No minuto 15 disparo dende a frontal da área de Rikelme que roza a escuadra e no 16 pode que a parada máis espectacular do partido e quizais da xornada, entre tantas, desviando cos brazos un remate de Antonio que dispara desde o segundo pau. No 17 quinta falta do Barça e disparo raso de Charly que desvía Feixas co pé á banda. Bos minutos defensivos do Buela ata o descanso.
Na segunda parte o conxunto burelense lócese no Palau, mantendo o resultado e achegándose ao empate sen cesar de intenarlo ata o último segundo. Man moi boa de Michal que desvía un disparo directo de Catela nos primeiros minutos. O equipo de David Rial continúa co xogo ofensivo, buscando o tanto que lles achegue ao empate e que chega no minuto 32 cun pase de Charly case dende a banda que empuxa Alberto ao interior da portería dende o segundo pau. Ábrese o partido e comeza un duelo de xogo trepidante, cun Barça ao que lle custa. Kaluza saca coas mans por encima do travesero un disparo de Fits no minuto 35, o Burela continúa creando dúbidas e perigo aos locais, e outra de Michal que detén un disparo raso nun saque de banda no 36. Ocasión de Rikelme que dispara e atópase con Feixas e outra máis de Michal no mesmo minuto, xusto antes doutra ocasión de Araya que remata na área un pase de Alberto pero vaise fóra. Tempo morto para os mariñáns no minuto 38 e comeza a presión con xogo de 4 para 5 con Meira de porteiro-xogador. Nos dous últimos minutos sucédense as ocasións do Burela, un disparo raso de Meira que salva Feixas puido ser o empate e no últimos tres segundos e última ocasión do encontro, Isma saca unha falta e pásalla a Malaguti que remata cun disparo lateral que se atopa co canto da portería dando fin a un partidazo no Palau cun gran papel do Pescados Rubén Burela FS que está marcando paso firme nesta tempada 24/25 en primeira división.
Este martes 19 os Pícaros volverán xogar, esta vez na casa, ante o CA Osasuna Magna ás 21.30h, partido no que estrearán a nova equipación desta tempada, a laranxa.
Ficha Técnica Barça 2-1 Pescados Rubén Burela FS
Barça (2): Feixas; Antonio, Dyego, Catela, Fits -quinteto inicial-, Martel, Erick, Lozano (C), Álex, Touré, Matheus. Entrenador: Tino Pérez.
Pescados Rubén Burela FS (1): M.Kaluza; Araya, Pitero, R.Ribeira, Charly -quinteto inicial-, Malaguti, Isma, Alberto, Juninho, Meira. Entrenador: David Rial.
Goles: 1-0, min.2: Fits. 2-0, min.12: Sergio Lozano. 2-1, min.32: Alberto.
Árbitros: Fernando Faubell Zaldívar, José Lázaro Angulo, Bernardo Simón Benet, Ana Isabel Labaina Vázquez.
TA: Sergio Lozano, Juan José Camacho Pérez, Juninho.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
