Viveiro, 14 de novembro de 2024. A Tenencia de Alcaldía e as concellerías de Obras e Comercio do Concello de Viveiro, lideradas por Míriam Bermúdez García e Iria Cotelo, respectivamente, anunciaron a finalización de importantes actuacións no Polígono Industrial de Landrove.
O proxecto de “Mellora de Eficiencia Enerxética en Instalación de Alumeado Público”, financiado ao 80% pola Xunta de Galicia, cun investimento total de 30.108,30 € (IVE incluído), incluíu o suministro e a instalación de 52 luminarias LED de alta eficiencia, así como a modernización dos báculos metálicos de 9 metros de altura, logrando un aforro enerxético e unha iluminación máis eficiente.
A concesión da subvención foi comunicada ao Concello o pasado 1 de novembro con prazo de execución e xustificación antes do 15 de novembro.
Ademais, como parte da aposta do Concello por mellorar o Polígono Industrial de Landrove e atender eivas necesarias, a Tenencia de Alcaldía impulsou un proxecto adicional de mellora da sinalización viaria. Estes traballos incluíron o repintado de pasos de peóns e a instalación de sinais viarias de ceda ao paso e stop, utilizando pintura de alta visibilidade con microesferas de vidro, para reforzar a seguridade nas vías internas do polígono.
A tenenta de alcaldía, Míriam Bermúdez, destacou: “Queremos asegurar que o Polígono de Landrove conte cunha sinalización moderna que facilite a circulación segura e ordenada, promovendo un ambiente de traballo máis seguro para todas as persoas que acceden á zona”. Iria Cotelo subliñou que “a mellora da iluminación e da sinalización reforzou a competitividade do polígono industrial, facendo del un espazo máis eficiente e seguro para a actividade empresarial”.
Por outra parte, comunicar que queda pendente a reposición de 600 metros de cable que foron roubados, o que provocou que unha das rúas do polígono permaneza ás escuras. Estamos a traballar para coordinar os traballos necesarios na maior brevidade posible e restablecer a iluminación nesta área afectada.
Estas actuacións enmárcanse dentro do plan para manter e mellorar as infraestruturas municipais, consolidando o Polígono Industrial de Landrove como un espazo eficiente, moderno e seguro tanto para empresas como para persoas usuarias.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
