Os concelleiros do Partido Popular, como grupo maioritario da corporación municipal, están a traballar con rigor e achegan propostas para mellorar Viveiro como a rehabilitación e mellora dos accesos ao cemiterio municipal ou a mellora da seguridade no entorno da zona escolar
Viveiro, 7 de novembro de 2024. O PP de Viveiro advirte que “o goberno local sube nun 20% a taxa por uso da piscina municipal”. A portavoz, Mariña Gueimunde, explicou que “non podemos apoiar esa suba de repente cando non se atenderon as necesidades das instalacións – cun vaso que segue pechado despois dun ano, goteiras, máquinas oxidadas…- e cada vez se perden máis socios pola perda de servizos”.
Os populares critican que “o goberno local deixe nas mans dos usuarios a cobertura de parte do déficit -aproximadamente 56.000 € dos 300.000 € ao ano de déficit que supón para o Concello- ao non propoñer ningunha outra medida como o estudo de gastos para tratar de diminuír nas partidas que sexa posible. É máis, a única medida proposta por agora polo bipartito pode levar ao descenso do número de abonados.
“Coa transferencia de créditos da partida de ingresos extraordinarios pola participación de tributos do Estado á partida para enerxía eléctrica demóstrase o que advertiramos dende o Grupo Municipal Popular: “que a partida consignada para o pago das facturas da luz polo goberno bipartito nos orzamentos deste 2024 aprobados en xullo -776.000 €- era insuficiente” porque o custo estimado para esta anualidade supera 1M€.
Os concelleiros do PP condenan que “o bipartito dirixa unha partida extraordinaria a pagar gastos correntes” cando “se podía dirixir a investimentos”. Así reafírmanse en que “o máis de 1M€ en facturas pendentes de pago do 2023 que foron asumidas nesta anualidade condiciona a marxe para investir neste 2024”.
Os concelleiros do PP apoiaron a modificación de distintas ordenanzas fiscais porque “é imprescindible para que Viveiro poida optar a ser Concello Emprendedor”. De feito, é unha continua reivindicación do Grupo Municipal Popular que incluso recollía no seu programa electoral porque “este programa recolle medidas como a bonificación de taxas e impostos vinculados á implantación de calquera nova actividade económica e, polo tanto, favorecen a implantación de novas empresas”. Ademais, supón maior puntuación para o Concello á hora de optar a subvencións de concorrencia competitiva.
O Grupo Municipal Popular apoiaron tamén a proposta sobre a variante de Viveiro. Gueimunde lembrou ao respecto durante a sesión plenaria deste mércores que “Viveiro perdeu 20 anos polo enredo do propio Concello” xa que “o goberno local rexeitou a proposta do 2004 que agora si considera acertada, despois de ter que pasar por un procedemento contencioso-administrativo que perdeu o Concello”. Ademais, subliña que “os responsables do goberno municipal eran naquel momento PSOE e BNG -o portavoz actual de XViveiro era o portavoz do BNG- e que, incluso, gobernou o bipartito na Xunta entre o 2005-2009 pero non considerou a variante de Viveiro prioritaria porque a que sacou a licitación naquela época foi a de Ortigueira”.
Noutra orde de asuntos, dende o Grupo do Partido Popular afearon a falta de solucións por parte do BNG, grupo responsable da área de medio ambiente no goberno local, ao “rexeitar o modelo de SOGAMA, pero sen propoñer ningún outro modelo para a xestión dos residuos” que, por certo, “o Goberno do Estado grava con importantes impostos sobre o vertido e a produción de enerxía”.
MELLORAS NO CEMITERIO E NA ZONA ESCOLAR
O Grupo Municipal Popular, como grupo maioritario da corporación local, está a traballar “con rigor defendendo os intereses dos viveirenses e achegando propostas para a mellora do noso municipio”.
Os concelleiros do PP lograron no último pleno o apoio de tódolos grupos da corporación municipal para aprobar a súa iniciativa para instar ao goberno bipartito a impulsar a rehabilitación, conservación, acceso e servizos do cemiterio municipal de Altamira. A portavoz, Mariña Gueimunde, lembra que “o muro lateral cara ao monte San Roque leva 20 anos agardando unha solución”. Á vista de que esta mellora redundaría no beneficio dos veciños e veciñas de Viveiro, “agardamos que o bipartito cumpra o acordo” a diferencia do xa adoptado tamén por unanimidade en decembro de 2019 habilitar un aparcadoiro e mellorar os accesos ao camposanto para persoas con mobilidade reducida.
Os populares tamén trasladaron ao goberno bipartito a súa proposta para acondicionar e mellorar a seguridade no entorno escolar ampliando as beirarrúas, aumentando a iluminación nos pasos de cebra e habilitar a construción dunha glorieta para facilitar a circulación no horario escolar para evitar o colapso na zona coincidindo co transporte escolar.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
