O PP local cre que “o goberno de PSOE e Vilalba Aberta apoiado polo BNG non ten proxecto de futuro: só atende aos seus caprichos e despilfarra os recursos de tódolos vilalbeses”
Vilalba, 14 de novembro de 2024. A presidenta do PP da provincia, Elena Candia, e o secretario xeral, Javier Vázquez Nodal, mantiveron unha reunión de traballo en Vilalba coa presidenta do PP local, Sandra Vázquez, concelleiros e colaboradores para analizar a actualidade municipal e coordinar propostas e liñas de actuación.
O Grupo Municipal Popular defende que “tratamos de facer un traballo responsable e acorde á representatividade no Pleno da corporación onde somos o grupo maioritario”. Como representantes dos vilalbeses, centran o seu traballo en “ser a súa voz e dar traslado das súas demandas e propostas”.
Nese sentido, os concelleiros do Grupo Municipal Popular teñen reclamado ao goberno municipal tripartito -PSOE e Vilalba Aberta co apoio do BNG-: atención ás parroquias do rural, explicacións sobre o gasto en obras faraónicas que non acaban de quedar ben, dirixir investimento ao mantemento de instalacións e servizos públicos e apostar polo desenvolvemento de Vilalba. “O goberno local atende aos seus propios caprichos, pero non responde ás demandas actuais nin ás necesidades do día a día dos vilalbeses e vilalbesas”, consideran dende o PP.
De feito, cren que “o goberno municipal non ten proxecto de futuro para Vilalba”. E puxeron como exemplo o voto en contra do PSOE a unha iniciativa do PP para a ampliación do polígono industrial co obxectivo de xerar oportunidades de emprego, asentar poboación e contribuír a dinamizar tamén o comercio local.
Durante o encontro cos dirixentes provinciais do PP tamén analizaron “a mala xestión” do goberno local en materia económica lembrando exemplos de despilfarro -remodelación da rúa da Pravia, as novas piscinas da Madalena, a renovación do despacho da alcaldesa-, a perda de subvencións ou, directamente, a renuncia a axudas concedidas por outras administracións públicas.
E explicaron que, recentemente, “o goberno bipartito desoíu as recomendacións dos funcionarios públicos e gastaron máis de 17.000€ contratando a dedo a unha empresa privada para elaborar un informe que podía facer outra administración pública, como a Deputación de Lugo que, entre outras funcións, está para cooperar e dar asistencia técnica aos Concellos”.
Os populares tamén repasaron distintas demandas dos veciños e veciñas de Vilalba en materias de competencia autonómica das que deron traslado á Xunta de Galicia para “mellorar os servizos aos vilalbeses e vilalbesas”.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
