Este edificio construído en 1986 e cunha superficie de 777m2, destinado a múltiples usos e que alberga tamén a biblioteca e unha sala de exposicións, acusa a falta de mantemento, con diferentes danos por filtracións de auga en lucernarios e cubertas
Lugo, 7 de novembro de 2024. O Presidente da Deputación de Lugo, José Tomé Roca, e a Alcaldesa de Vilalba, Marta Rouco Seoane, anunciaron este xoves na capital chairega un acordo de colaboración entre ambas institucións para mellorar, con máis de 133.000€, a cuberta da Casa da Cultura. Acompañounos o arquitecto municipal para darlles a coñecer as necesidades desta instalación, situada no centro da vila, e que segundo o mandatario provincial “é fundamental na dinamización social e cultural da veciñanza”.
Tomé Roca enmarcou esta colaboración na política de cooperación “aberta e leal” que mantén cos 67 concellos da provincia porque “é a maneira de prestar o mellor servizo aos máis de 320.000 veciños e veciñas do noso territorio”. Destacou que este acordo “servirá para mellorar as condicións dun edificio emblemático como é a Casa da Cultura de Vilalba que, tal e como me comentou a Alcaldesa, empregan a diario moitos veciños e veciñas porque acolle actividades culturais e sociais de todo tipo”.
Detallou o Presidente que se está a traballar nos termos da colaboración, pero a idea é que a Deputación asuma preto do 80% do investimento, asumindo o Concello de Vilalba o 20% restante.
O edificio, construído en 1986 sobre unha antiga cárcere, ten unha superficie de 777m2 e acusa a falta de mantemento, con diferentes danos por filtracións de auga en lucernarios e cubertas. As actuacións previstas no proxecto de mellora son: a instalación dunha nova cuberta de zinc, substitución de baixantes, canlóns e os lucernarios existentes de policarbonato por uns de vidro. Tamén se mellorará parte do alumeado e do saneamento, actuacións na recollida de lixo e os acabados cun illamento térmico baixo cuberta.
Marta Rouco agradeceu a colaboración da Deputación e valorou durante a visita que este acordo “permitirá rematar dunha vez por todas cos problemas de auga na Casa da Cultura. Unha obra moi necesaria, que leva moitos anos pendente de facerse e porque é moi utilizada porque acolle moitos servizos como a hemeroteca, a oficina de turismo, que ten salón de actos e sala de exposicións e mesmo é utilizada como sede dalgunha asociación local”. Explicaba a Rexedora que xunto co Auditorio municipal, que acolle os actos de maior envergadura, a Casa da Cultura situada na praza Suso Gayoso é o espazo no que se concentran a maioría das actuacións públicas do municipio.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
