Ribadeo, 11 de novembro de 2024. Un novo convenio entre Concello de Ribadeo e Xunta de Galicia permitirá investir 50.000 euros en diversas melloras no centro de día A Concordia.
O alcalde, Dani Vega, subliñou que “un novo convenio chega a Ribadeo, neste caso para mellorar o centro de día. Son 50.000 euros para realizar unha soleira de formigón que necesitamos na entrada desta instalación para aproveitar todo este espazo en aberto”.
O rexedor explicou que “vamos tamén limpar as fachadas, as paredes do centro de día, para posteriormente pintar e tamén se van limpar e lixar todas as rexas das ventás. Teñen un deterioro importante, un óxido que hai que eliminar, e así tamén seguir conservando o centro de día A Concordia, que queremos tanto en Ribadeo, que cumpre unha función importante: o coidado das persoas, atención ás nosas persoas de Ribadeo”.
Para Vega “trátase dunha mellora no edificio e tamén seguir aportando equipamento, que neste caso van ser 31 cadeiras que foron solicitadas”.
O alcalde indicou que “seguimos colaborando cun centro que cumpre unha función importante, repito: o coidado e a atención das persoas. Dar as grazas tamén a todo o persoal do centro de día, que está traballando arreo, e o Concello está colaborando naquelo que se solicita, tanto en iniciativas de propostas como tamén en seguir mellorando o edificio do centro de día”.
Dani Vega engadiu: “polo tanto son 50.000 euros que se unen aos 17.000 euros que se investiron o ano pasado e vamos seguir colaborando co centro de día, con toda a dirección e todo o persoal, que está traballando arreo, o cal estamos moi agradecidos do que fan, e vamos a seguir tamén reivindicando obras á Xunta de Galicia. Queda moito por facer, xa se acredita unha inversión nestes anos, pero vamos seguir loitando e defendendo para que o centro de día estea ben conservado, ben coidado para que as persoas que acoden aí teñan un espazo digno”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
