Aprobado un convenio para renovar en Viveiro o equipamento do campo de fútbol Marcos Gómez, no polideportivo e na piscina municipal; actualizar o alumeado público e a iluminación de Nadal e comprar novo material informático para os servizos municipais
Lugo, 13 de decembro de 2024. A Xunta de Goberno aprobou este venres investir 360.000€ na mellora de dotacións, infraestruturas e dinamizar a economía da provincia. Así o informou o Deputado de Promoción Económica e Social, Pablo Rivera Capón, tras a reunión semanal celebrada esta mañá no Pazo de San Marcos.
“Continuamos licitando obras do primeiro paquete de actuacións do Plan de Melloras nas estradas provinciais”, anunciou en materia de mobilidade. Lembrou que se trata dunha medida que “servirá para acometer máis de 80 proxectos na rede de vías de titularidade provincial cos que se mellorarán 280 quilómetros por un importe de 12M€”.
Nese sentido, avanzou que hoxe quedaron licitados os traballos para acondicionar un tramo de 2,8 quilómetros da LU-P-0505, que é a estrada que conecta na parroquia de Piedrafita de Camporredondo os núcleos de Camporredondo e Biduedo. A Deputación investirá máis de 75.000€ para un proxecto que consistirá na reapertura das cunetas, limpeza das obras de drenaxe, reparación de desperfectos no firme, repavimentación e sinalización vertical, substituíndo ademais as sinais con danos.
“Esta é unha actuación importante para A Montaña, polo que sempre dicimos do que aporta a mobilidade ao equilibrio territorial. Porque se trata de mellorar a estrada máis rápida e directa coa que contan os veciños e veciñas destas dúas entidades de poboación para comunicarse entre si”, valorou Rivera Capón.
Colaboración con Viveiro
A Deputación destinará ademais preto de 107.000€ ao Concello de Viveiro para mellorar diferentes instalacións deportivas, investir no alumeado público e renovar o equipamento informático da institución local.
Detallou o Deputado que con cargo a ese orzamento poderase renovar o equipamento do campo de fútbol Marcos Gómez, do polideportivo e da piscina municipal; ademais, actualizar o alumeado público na rúa Rosalía de Castro e o alumeado de Nadal do concello para dinamizar o turismo; tamén servirá para comprar novo material informático coa finalidade de mellorar a prestación dos servizos municipais.
Financiación para a campaña de Nadal da Federación de comercio
A Xunta de Goberno aprobou ademais achegar á Federación de comercio de Lugo 50.000€ para a realización da campaña Regala en Nadal, Merca en Local.
Unha iniciativa que consiste na organización dunha festa de Nadal en tres localidades distintas -este sábado terá lugar a primeira na Praza de España de Monforte de Lemos- e nas que se sortearán 3 tarxetas prepago de 500, 1.000 e 3.000€ entre aqueles e aquelas que tiveran consumido no comercio local.
Turismo de embalses
Ademais, a Xunta de Goberno deu luz verde a recibir unha achega por importe de 127.500€ de fondos europeos para colaborar nun proxecto colectivo que ten o obxectivo de crear unha nova experiencia de turismo de embalses en España. Segundo lembrou Pablo Rivera, a Deputación adheriuse a unha agrupación de entidades de diversos puntos do país para solicitar conxuntamente fondos europeos do Plan de Recuperación, Transformación e Resiliencia impulsado polo Goberno de España para potenciar novas experiencias turísticas arredor das augas de interior.
Este proxecto está liderado pola Deputación de Cáceres e conseguiu captar un total 700.000€ que se repartirán nas 15 comunidades autónomas que participan e entre os seus 549 concellos asociados. A Deputación de Lugo sumará a súa parte case 27.000€ para crear unha nova experiencia turística centrada nos encoros e os seus arredores baseada na sustentabilidade e no desenvolvemento económico local. E entre outras cuestións, a través destes fondos se poderá implantar a experiencia turística nos territorios adheridos a través de diferentes accións de formación, divulgación e sensibilización.
Contratacións
Licitado ademais o contrato e mantemento da aplicación informática que usan no servizo de Xestión, Recadación e Inspección Tributaria Provincial. O prezo de licitación é de case 76.500€ e a duración do contrato será dun ano, sen posibilidade de prórroga.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
