O Deputado de Medio Ambiente e Alcalde da Fonsagrada, Carlos López López, presentou este martes no Salón de Plenos da Casa Consistorial do municipio montañés a programación desta cita que se celebrará desde o 5 ata o 7 de decembro
Lugo, 3 de decembro de 2024. O Deputado de Medio Ambiente e Alcalde da Fonsagrada, Carlos López López, xunto á Deputada de Cultura, Patrimonio Histórico Artístico e Normalización Lingüística, Iria Castro Fernández, presentou este martes no Salón de Plenos da Casa do Concello da Fonsagrada a novena edición da Foliada da Fonsagrada que se celebrará desde o 5 ata o 7 de decembro no municipio montañés. No acto de presentación deste evento, co que colabora a Deputación, tamén participaron os membros da Asociación Cultural Petapouco e a Destempo -organizadores da cita- Marta Álvarez e Jorge López.
Carlos López convidou a todas as persoas a achegarase ata A Fonsagrada “dende este xoves para desfrutar dunha completa programación de actividades na que se inclúen obradoiros musicais e de baile tradicional, concertos e mesmo unha Feira de Artesanía”. O Deputado e Alcalde fonsagradino tamén fixo referencia ao éxito da Foliada pois “é un orgullo para nós ver que este evento, co que poñemos en valor a tradición e a cultura galega, atrae ano tras ano a numerosos veciños chegados de diferentes puntos da provincia e da comunidade asturiana”.
Programa
Xoves, 5 de decembro
– 11:00 horas: Ruta dos pintores.
– 17:00 horas: obradoiro de Iniciación á pandeira (impartido por Ismael Carcedo) e obradoiro de baile do centru d’asturies: jota, saltón e muiñeira (a cargo de Luis Ángel Fernández).
– 21:30 horas: Butelada.
Venres, 6 de decembro
– 12:00 horas: Cantos de taberna.
– 20:00 horas: obradoiro de baile.
– A partir das 21:00 horas: concertos de Maricarme, El Naán Trío, Ana Lua Caiano.
Sábado, 7 de decembro
– 11:00 horas: apertura da Feira de Artesanía.
– 12:00 horas: presentación do libro Alborada en Vilaquinte, de José Ramón González Pérez e actuación do Grupo Bouba.
– 12:30 horas: demostración de olería de Buño.
– 13:30 horas: actuación de Candorka Trío.
– 17:30 horas: concerto de Axeigo.
– A partir das 21:00 horas: concertos de Mediarea, Xosé Lois Romero e Aliboria, Fillas de Cassandra e Llevólu´l Sumiciu.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
