Soniña Corral F. e Delio Val Villarino proclamáronse gañadores absolutos desta edición
Barreiros, 11 de decembro de 2024. O Concello de Barreiros organiza a gala final do circuíto de carreiras populares +KmsBarreiros, que terá lugar o domingo 22 de decembro ás 19:30 horas nos colexios vellos de San Miguel de Reinante. Durante o evento entregaranse 1.000 euros en premios así como diferentes obsequios a cada atleta que participase en 4 ou máis probas en categorías absolutas ou en 3 no caso das categorías infantís.
Resultados do circuíto
Logo de celebrárense as 6 carreiras populares que conforman o circuíto; a carreira de Reis (xaneiro), a das Praias (marzo), a 1/2Km Vertical (xullo), a Benquerencia Terra-Mar (agosto), o Trail Monte Comado (outubro) e a carreira Ao Son do Masma (novembro), Soniña Corral F. proclamouse campioa absoluta feminina con 1119 puntos e, Delio Val Villarino, campión da categoría absoluta masculina con 1180 puntos.
Na recentemente creada categoría por equipos, o primeiro posto foi ocupado polo equipo barreirense Os Comadistas, o segundo lugar foi para o Club Atletismo de Ribadeo e en terceiro posto finalizou o Ría de Foz.
Por outra banda, na categoría de centros escolares, o primeiro posto foi para o Sagrado Corazón de Xesús de Ribadeo, en segundo lugar quedou o CEIP Juan Rey de Lourenzá e en terceira posición o CEIP Península da Paz de San Cibrao.
As clasificacións completas poden consultarse na web do circuíto: www.maiskmsbarreiros.gal.
O concelleiro de deportes, Dani García, expresou a súa satisfacción polos resultados desta edición: “as cifras de participación, tanto en cada proba coma no global do circuíto, seguen a ser moi boas polo que, desde o Concello de Barreiros amosamos a nosa satisfacción.” e comprometeuse a que: “seguiremos fomentando e apoiando o deporte afeccionado porque estase a ver que cada vez ten máis persoas adeptas, que axuda a fomentar un turismo respectuoso e desestacionalizado en Barreiros e que, coa a práctica deportiva tamén se mellora a calidade de vida”.
O edil tamén agradece o esforzo das asociación implicadas na organización das probas. “Quero dar as grazas publicamente ás distintas asociacións que ano tras ano se implican de cheo na organización das carreiras, grazas á Asociación Cultural e Deportiva Praias de Comado, a A.D. Augas Santas, ao Colectivo Cultural Ollomao. Dar as grazas tamén a asociación de voluntarios de Protección Civil de Barreiros que sempre están velando pola seguridade durante as probas. Non me quero esquecer de mencionar e agradecer ás empresas que patrocinan e colaboran coas distintas probas e co circuíto xa que, tamén son unha parte importante para que todo isto encaixe e poida saír adiante. Sen a colaboración de todas as partes isto non sería posible, así que, moitas grazas a todas e a todos” salientou García.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
