O apoio enmárcase no Plan específico de acción comunitaria, dotado este exercicio con 3 millóns de euros e que incrementa o seu orzamento nun millón para 2025
Vilalba, 2 de decembro de 2024. A directora xeral de Administración Local, Natalia Prieto, xunto co delegado territorial da Xunta en Lugo, Javier Arias, visitou as instalacións das asociacións veciñais Nosa Señora das Angustias de Soexo e San Simón, onde comprobou as melloras feitas co apoio da Xunta. O Goberno galego colaborou nas obras con respectivas achegas de 12.000 euros no marco do Plan específico de acción comunitaria, que este ano beneficiou na provincia de Lugo máis de 30 colectivos con contías que suman preto de 270.000 euros.
No caso da nosa Señora das Angustias de Soexo as obras permitiron mellorar a climatización e o aforro enerxético, así como a accesibilidade da casa-escola. Nesta liña, instalouse unha estufa de pellets e adaptouse o baño para ser utilizado por persoas con mobilidade reducida. A maiores, pintouse o interior e o exterior do local.
Pola súa banda, a asociación San Simón mellorou tamén a accesibilidade da súa casa-escola, coa adaptación dos baños para persoas con mobilidade reducida, instalando unha rampla e barras adaptadas, ademais de cambiar as pezas para facelas tamén accesibles. Tamén se reparou a balaustrada do edificio e se instalou unha fosa séptica.
Segundo sinalou a directora xeral, o obxectivo das medidas é garantir o benestar das persoas usuarias no desenvolvemento das múltiples actividades organizadas por estas entidades, “fundamentais para a dinamización da vida social e cultural da veciñanza”.
Estes dous colectivos forman parte das 341 entidades beneficiarias dos 3 millóns de euros concedidos este exercicio a entidades veciñais, asociacións de mulleres rurais e comunidades de usuarios de augas de Galicia. Durante a visita, Natalia Prieto sinalou que o compromiso da Xunta con asociacionismo local fai que o vindeiro ano se incremente o orzamento da medida nun 33,3% ata os 4 millóns de euros. “Trátase así de darlle resposta ao éxito destas axudas nos últimos anos e á elevada demanda”, segundo apuntou a directora xeral. “Queremos tamén recoñecer o papel fundamental destas entidades na calidade de vida na contorna local”, engadiu.
Apoio para obras e equipamento
Cómpre lembrar que estas axudas contan con dúas liñas, unha delas cunha achega máxima de 12.000 euros para obras de acondicionamento, reforma e ampliación dos locais de asociacións de veciños e de mulleres rurais, con actuacións como a eliminación de barreiras arquitectónicas ou melloras en estruturas, fachadas, cubertas, parámetros interiores, ventás, teitos ou obras de fontanería, saneamento ou electricidade.
Ademais, con estas axudas nas infraestruturas e instalacións das traídas de auga comunitarias promovidas por comunidades de usuarios de augas actúase en obras sobre captacións, canalizacións e depósitos destinadas a reducir as perdas de auga e noutros traballos cos que mellorar a xestión, medición ou control da calidade da auga ou optimizar a eficiencia enerxética na traída de augas.
A outra liña vai destinada cun máximo de 5.000 euros á dotación de equipamento para o funcionamento destas entidades e a organización de actividades específicas, o que inclúe a adquisición de mobiliario, equipamento informático, audiovisual ou sistemas de climatización.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
