O deputado popular mariñán cre que “á vista de que os proxectos aínda están en fase de redacción, as obras tampouco comezarán na primeira metade do 2025”
A Mariña, 2 de decembro de 2024. O Goberno de Sánchez confirma en resposta oficial por escrito a unha pregunta dos deputados do PP lucense no Congreso – Jaime De Olano, Francisco Conde e Cristina Abades- que “a autovía A-74 ten todos os proxectos en redacción” ou, o que é o mesmo, “non avanzou nada neste 2024”.
O deputado mariñán, Jaime De Olano, entende que “o Goberno de Sánchez desmente a Besteiro, o secretario do PSdeG-PSOE, que comprometía o inicio das obras da autovía da Mariña para o 2024”.
Á vista de que a finais deste ano se atopan os proxectos aínda en fase de redacción, “todo indica que as obras tampouco comezarán na primeira metade do 2025”, segundo o popular.
De Olano explica que os Presupostos Xerais do Estado (PGE) do ano 2023 -e prorrogados para o 2024- “supuxeron un recorte en cascada na dotación orzamentaria para impulsar o procedemento de execución segundo a previsión do anterior Goberno do Partido Popular”.
Os Gobernos de Sánchez “paralizaron” o avance desta autovía fundamental para conectar A Mariña occidental a través dunha vía de alta capacidade como alternativa á N-642. “Nestes seis anos non executaron o previsto polo Goberno de Rajoy nin as cantidades ínfimas que o propio Goberno de Sánchez reflectiu nos PGE elaborados por Sánchez -tres neste período-.
FALTA DE COMPROMISO COA PROVINCIA E DE PESO DO BNG E PSDEG
De Olano considera que “este é un exemplo da falta de compromiso do Goberno de Sánchez coa provincia” que, de feito, “está totalmente abandonada en moitos aspectos como, por exemplo, en materia de infraestruturas da comunicación que sufrimos todos e todas as lucenses”.
Isto demostra, claramente, “o pouco que lle importamos ao Goberno do PSOE e dos seus socios e cómplices necesarios como é o caso do BNG”. E tamén “a falta de peso político tanto do BNG como do PSOE lucense e galego en Madrid; un PSdeG que, incluso, perdeu forza na nova executiva federal do PSOE deseñada por Sánchez, quedando reducida a súa presenza a un membro do PSdeG, á altura de Ceuta ou Melilla”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
