Ribadeo, 19 de decembro de 2024. Hoxe seguiu no IES Marqués de Sargadelos, en San Cibrao, o ciclo de charlas da FCAM sobre o futuro laboral na Mariña lucense. Están destinadas aos estudantes de FP aos que lles queren insistir en que “aquí hai futuro, que hai moita demanda de man de obra por parte das empresas, e que tamén nesta comarca é posible emprender”.
Alumnado do ciclo superior de química industrial, do ciclo medio de cultivos acuícolas e do ciclo básico de informática de oficina asistiron no IES Marqués de Sargadelos á charla na que participaron Beatriz Irigoyen, de Mariña Asesores; Raquel Hermida, de Academia A Mariña; e Carmen Cruzado, presidenta da FCAM.
Irigoyen contoulles que apostou pola Mariña para asentarse “para ter calidade de vida e polas oportunidades empresariais e as necesidades do sector”. Hermida recomendoulles que sigan formándose cando rematen os seus estudios ou cando se incorporen ao mercado laboral, “porque la formación es crecimiento”. E Cruzado subliñou tamén que “a calidade e o nivel de vida da Mariña non é comparable ao de grandes ou medianas cidades”. As tres incidiron en que na comarca da Mariña hai empregos moi dignos e que aquí tamén é posible seguir emprendendo.
A presidenta da FCAM agradeceu a posibilidade de falar no IES Marqués de Sargadelos sobre o futuro laboral na Mariña lucense: “grazas a Martín Ansede, docente deste centro e á dirección do IES, por permitirnos achegarnos aos estudantes a contarlles a realidade que nos fan chegar as empresas ás que representamos; e tamén a Beatriz Trigo, dinamizadora da relación con empresas na FP, por acompañarnos unha xornada máis nesta andaina que arrincou o pasado mes de novembro en Ribadeo”.
O ciclo sobre o futuro laboral na Mariña lucense seguirá ao longo do presente curso 2024/2025 por outros centros e localidades da comarca.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
