Editáronse máis de 2000 exemplares que chegarán a todos os fogares, protagonizados nesta ocasión polos diferentes clubs e asociacións deportivas do municipio
Cervo, decembro de 2024. O Concello de Cervo vén de presentar o seu tradicional calendario de Nadal que irá chegando nos próximos días a cada un dos fogares cervenses.
Nesta ocasión, o almanaque está protagonizado polos diferentes clubs e asociacións deportivas do Concello cun especial protagonismo tamén para a pista de atletismo recentemente inaugurada no complexo deportivo da Veiga xa que tal e como apuntou a a rexedora “unha das metas importantes que acadamos nos últimos meses e a de ver á mocidade e ás familias desfrutar desta nova instalación e a verdade é que é moi gratificante”.
A alcaldesa, Dolores García Caramés, o edil de Deportes, David Rodríguez, e os concelleiros Alfredo Fernández, Adrián Arias e Mali Méndez, mantiveron un encontro con membros das diferentes entidades deportivas no Concello para amosarlles de primeira man o resultado da recompilación fotográfica, para agradecerlles a súa colaboración e para entregarlles os primeiros exemplares deste calendario do que se editaron 2200 unidades que chegarán a todos os fogares cervenses.
A alcaldesa, neste senso, estableceu un paralelismo entre o Nadal e o Deporte “que une a familia e a amigos e fomenta esa convivencia e ese espírito en equipo que tamén é o espírito do Nadal”.
O deporte é unha ferramenta poderosa que nos ensina valores como a perseveranza, a colaboración e o respecto –engadiu- “e agardo que ao igual que o deporte, este Nadal nos inspire para superar o nosos propios límites e traballar xuntos por un futuro mellor.
Este calendario e unha forma de simbolizar o noso agradecemento a todas as entidades deportivas –precisou- pola súa dedicación e paixón, que fai posible que todos poidamos desfrutar dunha oferta tan ampla; e neste senso quixo mandar unha mensaxe á veciñanza para que “estas festas non só sexan un tempo de descanso e ocio, senón tamén unha oportunidade para manternos activos e para fortalecer os lazos entre todos”.
Neste senso, en Cervo temos unha gran diversidade deportiva que queda patente neste almanaque (atletismo, artes marciais, tenis de mesa, piragüismo, fútbol, ciclismo, equitación, pádel, tiro con arco, surf, baloncesto, voleibol, natación…) que é unha das mellores formas de fomentar os valores que promove a actividade física como ao traballo en equipo, o respecto e o esforzo; e que se adapta a todas as idades, intereses e habilidades, “algo do que nos temos que sentir moi orgullosos”; apuntou.
Este calendario, cun deseño moi especial e moi noso, visiblemente renovado irá mudando edición tras edición “grazas ao rico tecido, social, cultural, deportivo e asociativo que temos”; é xa é un clásico do Concello de Cervo por estas datas, e cremos que é unha ferramenta moi útil para os nosos veciños porque recolle todas as datas importantes que terán lugar ao longo de todo o ano en Cervo, e tamén as festividades e días importantes que se conmemoran e celebran a nivel nacional; ademais dos teléfonos de interese do noso Concello.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
