Burela, 17 de decembro, 2024. A Organización de Produtores Pesqueiros do Porto de Burela organizou este martes 17 de decembro na Casa de Galicia en Madrid un acto de presentación para poñer en valor a importancia do sector pesqueiro de Burela e, baixo o seu coñecido slogan “Amor ao Mar”, amosar algunhas das súas campañas de promoción máis recentes.
No acto estiveron presentes representantes políticos e de diferentes administracións, do sector pesqueiro nacional, xornalistas e creadores de contido relacionados co mundo gastronómico.
O director da Casa de Galicia, Luis Ramos, deu a benvida aos asistentes e deu paso á presentación do Porto de Burela, que correu a cargo de Sergio López, xerente da OPP Burela.
Na súa intervención, debuxou un mapa coa importancia histórica e actual do porto de Burela dentro do sector pesqueiro, resaltando o peso da pesca dentro da economía local. Presentou as diferentes frotas que forman a organización de produtores de Burela e repasou as principais accións e campañas de promoción que levaron a cabo nos últimos anos desde a OPP.
Pezas que destacan a orixe do produto, a súa calidade gastronómica, as súas calidades saudables e a sustentabilidade das súas artes de pesca. Creacións dirixidas aos diferentes públicos, desde a divulgación entre os nenos, a concienciación sobre hábitos alimentarios nos pais ou o fomento do consumo de peixe entre o segmento senior, chegando especialmente aos principais mercados de España.
A continuación, presentouse un avance do documental “Valor da Pesca en Burela”, que pon en valor o oficio pesqueiro e recolle testemuños de mariñeiros de diferentes orixes e con experiencia en diferentes caladoiros. Un sector que xerou riqueza económica durante décadas, cun impacto principal no desenvolvemento socioeconómico de Burela durante moitas xeracións.
O director xeral de pesca, acuicultura e innovación tecnolóxica da Xunta de Galicia, Antonio Basanta, pechou o acto enxalzando a figura de Burela como exemplo da aposta decidida pola pesca como forma de vida, e felicitando á OPP e ABSA pola unión que demostran involucrando a xentes de tódalas idades e procedencias neste proxecto no que todos suman. Por iso, Burela ten moito futuro na pesca. “Sempre se dixo que Madrid é o primeiro porto de España, e como tal necesita un produto de calidade como os da pesca de Burela”.
Ademais este acto en Madrid serviu como presentación oficial do novo calendario da OPP Burela, que en 2025 volve apostar polos seus “Pescados Capitales”, presentando cada mes una das principais especies que representan ás súas diferentes frotas.
A presentación pechouse cunha degustación gastronómica “Peixe de Burela” con algunhas das principais especies pesqueiras das frotas de Burela: tres de pescada de pincho, una de bonito do norte e una de peixe espada. A elaboración das receitas correu a cargo do galego Miguel Vidal, chef do restaurante Morgana en Madrid.
Esta acción está cofinanciada por Xunta de Galicia e FEMPA, incluída no plan de produción e comercialización anual da OPP-7 Porto de Burela co obxectivo de contribuír á trazabilidade dos produtos da pesca e ao acceso dos consumidores a información clara e completa.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
