Na última sesión plenaria, o PSdeG de Mondoñedo defendeu varios rogos cos que reclama ademais a limpeza do camiño de Monfadal, e que se adecente os camiños de Fondoso que dan acceso ás fincas
Mondoñedo, 12 de decembro de 2024. Os Socialistas de Mondoñedo emprazan ao PP de Mondoñedo a utilizar o vehículo de protección civil exclusivamente para emerxencias. Na pasada sesión plenaria, o PSdeG de Mondoñedo, defendeu varios rogos nos que se inclúe unha petición ao concelleiro do PP responsable de Protección Civil. Concretamente “que o Concelleiro responsable de Protección Civil utilice o vehículo público, pagado cos impostos de tódolos mindonienses, exclusivamente para atender as emerxencias do Concello. Xa que temos moitas queixas da veciñanza, como tamén comprobamos nós, que este vehículo público está operativo pola noite en diferentes establecementos locais”.
Hai que lembrar que o PSdeG de Mondoñedo xa denunciou, o pasado mes de marzo, dúas multas deste vehículo, pagando con fondos públicos municipais. A primeira multa foi por exceso de velocidade o pasado 5 de decembro de 2023 ás 11:06 da mañá, e segundo sinalaron desde o goberno municipal “este vehículo dirixíase a Santiago a unha reunión coa Consellería de Medio Rural”, cando circulada a 73km/h, nun tramo limitado a 50km/h. A segunda multa é do pasado 22 de outubro de 2023 ás 20:38 horas, na estrada LU-160, punto quilométrico 1, dirección Ferreira, cando este coche era conducido polo Concelleiro de Obras do Concello de Mondoñedo e deu positivo nun control de preventivo de alcoholemia. “Nunha primeira proba cunha taxa 0,39 e na segunda con 0,32. Polo que houbo retirarlle o vehículo nese mesmo instante, e trasladalo por outros medios”, segundo puideron constatar dende o PSdeG de Mondoñedo.
Nova parada de autobús para trasladar aos estudantes a outros centros da Comarca
Dende o PSdeG de Mondoñedo tamén instaron ao Goberno do PP de Mondoñedo, a través doutro rogo, a iniciar un diálogo coa Xunta para que habilite unha nova parada de autobús regular na cidade, co fin de dar servizo ao alumnado mindoniense para que poidan asistir aos centros educativos de toda a Mariña. Nestes intres, a liña regular que da servizo á Mariña realiza a primeira parada con saída en Alfoz, polo tanto reclamamos que ese mesma saída se realice dende Mondoñedo, para que o alumnado tamén poida asistir ás clases nos diferentes centros educativos da Comarca. Recibimos moitas queixas das familias afectadas, xa que actualmente teñen que trasladalos nos seus vehículos particulares.
San Lázaro, Monfadal e Fondoso
No Barrio de San Lázaro pediron que se revise, coa empresa responsable, os ruídos continuos que se emiten desde a nave da Avenida Eladio Lorenzo. E por outra banda, que se atenda a solicitude para cambiar ou modificar o redutor de velocidade daquela estrada, xa que está provocando pequenas inundacións nas vivendas nos días de choiva. E tamén reclaman a limpeza do camiño de Monfadal, e que se adecente os camiños de Fondoso que dan acceso ás fincas.
Devolución dunha subvención de máis de 60.000 euros
No apartado de preguntas interpelaron ao Goberno do PP pola devolución dunha axuda de 60.138,97 euros ao Concello de Mondoñedo concedida por Agader para poñer en marcha o Espazo Cultural Artesanía do Pasatempo e Museo Forxa. O orzamento total do proxecto, que ascendía a 66.821, o 10% restante seria aportado polo Concello. “Esta axuda sumase as moitas subvencións devoltas polo PP que non é capaz de xestionar nin executar”, din dende o PSdeG.
Estradas de Argomoso
Tamén demandaron coñecer a data ten prevista para abrir o ximnasio municipal que estaba ubicado na Casa da Xuventude, e que leva anos paralizado. Interpelaron ao Goberno Municipal sobre os avances do PEPRICH. E por último, preguntaron polo comezo das obras para arranxar as estradas de Argomoso, que se atopan nun lamentable estado, e polas que os veciños e veciñas seguen esperando unha solución urxente.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
