Xove, 12 de decembro. No pleno ordinario celebrado este luns debatiuse a aprobación dos orzamentos para o 2025.
O grupo Socialista de Xove, entende que é o pleno máis importante do ano, “xa que o orzamento é o proxecto político no que ten que reflectir como se van gastar os cartos dos nosos impostos”
“O grupo de Goberno presenta as contas previstas, e vemos que é un copia pega do 2024, é dicir que non hai nada novo, nada se fala ou nada se plantea para desenvolver os proxectos que Xove necesita”.
“É un presuposto de dubidoso cumprimento, en mataria de ingresos pola situación de Alcoa ao ter a actividade da Planta de Aluminio practicamente parada o que vai facer moi difícil que se cumpra ese estado de ingresos, o que suporá tirar do remanente”.
“En canto o estado de gastos vemos dúas partidas de gasto fixo que se levan o 84% do presuposto”.
Gastos de persoal 3.644.500€ un 46,76%. Gastos correntes en bens e servizo 3.287.650€ un 42,18%, o que dá un 88,94% do total.
“Vemos tamén unha partida para inversións Reais de 327.000€ un 4,20% que nos prace cando menos ridícula para un presuposto de 8.157.000€”.
“Isto dá unha idea de como se goberna en Xove malia ter un orzamento importante nun Concello de 3.300 habitantes e en descenso. Xa non dispón de cartos para afrontar inversións que son importantes para o seu desenrolo futuro”.
“É dicir para nada se pode falar das grandes necesidades que ten Xove e que o grupo Socialista considera de primeira necesidade.
1. Mellora da calidade da auga e garantir o subministro en épocas de seca.
2. Centro de día para os nosos maiores, Xove non pode telos nunha marquesiña ou nun local que non reúne as mínimas condicións.
3. Escola infantil de 0-3 anos. Dotar a Xove dunha escola infantil acorde ao século XXI, e que fundamentalmente permita a conciliación laboral e familiar das novas parellas.
4. Saneamento en todas as parroquias do concello. Actualmente só o teñen o casco urbano da capitalidade e unha pequena parte da Rigueira. É moi necesario poñer en marcha un plan para dotar a todo o concello dunha rede de saneamentos e tratamento dos residuos, e en especial na zona costeira para preservar e poñer en valor a calidade das augas e as praias.
“Pero o goberno de D. Demetrio esta a outra cousa, manterse no poder a base de pequenos favoriños sen importarlle para nada o futuro de Xove, hai un indicador claro de esta nula xestión, en 17 anos que leva de alcalde a poboación vai a menos, e estamos falando do que nos 80 se denominaba el pequeno Kuwait del norte”.
Estes orzamentos foron aprobados con 7 votos a favor do P.P. 3 abstencións do BNG e 1 PSdG-PSOE .
“Nos abstivemos por entender que o Goberno non quere debater nin explicar o seu proxecto baleiro de contido, convertendo o pleno nun acto rutineiro que un ano máis nada aporta por mellorar Xove”
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
