Ribadeo, 26 de decembro de 2024. Ribadeo rehabilita marquesiñas e bancos, así como os entornos dos contedores e das sinais. Os traballos comezaron en Arante e seguirán por todas as parroquias.
O alcalde, Dani Vega, dixo que “seguimos investindo nas nosas parroquias, seguimos mellorando todo o equipamento. Estamos a falar de marquesiñas, bancos, contedores, puntos aos que acude moita xente. As marquesiñas, onde acoden persoas ou alumnado dos colexios, atopámonos que había unha falta de conservación, é dicir unha falta de mantemento, e en consecuencia abandonadas”.
O rexedor explicou: “poño como exemplo a parroquia pola que empezamos a facer este plan de rehabilitación en Arante, onde as marquesiñas estaban abandonadas e evidentemente cun deterioro considerable. Que fixemos? a rehabilitación de toda a marquesiña, tamén o adecentamento do entorno, con base de formigón e rematado en pedra. Tamén quixemos facer unha rehabilitación de todos os bancos, con base de formigón rematado en pedra, e todos os contedores teñen base de formigón rematado en pedra. Quixemos investir para mellorar, e queremos seguir por todas as parroquias. Nestes momentos rematamos Arante, estamos en Vilamariz, e así paulatinamente iremos por todas as parroquias rehabilitando, e despois temos que ter unha conservación. Eu sempre o digo, é moi importante facer, é moi importante investir, pero é tan importante manter todo o que estamos a facer, porque senón dentro duns anos estaremos as mesmas”.
Vega subliñou: “nos o que queremos é investir, pero que haxa unha conservación de todo o noso equipamento. Tamén estamos adecentando os entornos onde están as sinais, pois moitas delas estaban rotas, outras tiradas, outras xa non existían. E iso tamén vámolo ir mellorando por todas as parroquias, naquelas nas que so hai que facer unha conservación, un mantemento da señalética, e noutros casos temos que facer unha planificación de nova sinalización para as parroquias. Todo, pouquiño a pouco, investindo para seguir mellorando as nosas parroquias”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
