Ribadeo, 20 de xaneiro de 2025. Acisa estará presente en Fitur 2025 xunto ao Concello de Ribadeo, conformando a delegación ribadense que acude a esta importante cita, que se celebra en Madrid do 22 ao 26 de xaneiro.
O xerente de Acisa, Jesús Pérez, explicou que “asistimos a Fitur 2025 coa campaña Pensando en ti, coa que pretendemos mostrar que Ribadeo ten opcións turísticas para todos os gustos, turismo de mar e montaña, de ocio, de cultura, de gastronomía, para xóvenes e para adultos, para familias con nen@s… en definitiva Ribadeo pensa en todos para ofrecer o mellor de sí e que o turismo siga a impulsar a nosa economía. O obxectivo principal da nosa presenza en Fitur é ofrecer Ribadeo como un destino de calidade, aberto a calquera turista que queira coñecer o noso municipio”.
Pérez Prada contou que “participaremos co Concello en reunións de traballo con diversos operadores e axencias turísticas, na procura de dar a coñecer os servizos turísticos, hostaleiros, hoteleiros e comerciais que Ribadeo pode ofrecer aos futuros visitantes. Pretendemos tamén establecer acordos e puntos de colaboración con intermediarios e outros destinos, así como favorecer a difusión de Ribadeo como un destino de calidade visitable durante todo o ano, poñendo en valor as campañas e marcas turísticas de Acisa, que son varias ao longo do ano, e do mesmo xeito reunirnos con diferentes colectivos similares o noso, dos que podamos aprender e compartir ideas e proxectos e establecer relacións con clústers e representantes de turismo das diferentes administracións”.
O xerente de colectivo empresarial ribadense indicou que “desde Acisa traballamos diariamente para fidelizar ás persoas que veñen visitarnos, para atraer novos segmentos de demanda, para favorecer a desestacionalización e para poñer en valor os nosos recursos, especialmente os gastronómicos e comerciais mediante diferentes campañas como é o Domingueo en Ribadeo, Ribadeo preto de ti, o Centro Comercial coas Mellores Vistas, o Barrio Mariñeiro de Porcillán e a Vila Mariñeira de Rinlo, entre outras…”.
Jesús Pérez subliñou que “a presenza de Acisa en Fitur é moi relevante, xa que aglutinamos á maior parte do tecido empresarial ribadense, e moi especialmente ao do sector turístico. Os nosos asociados e asociadas son os principais beneficiarios dela. Nesta feira vaise promocionar Ribadeo como destino turístico, pero tamén nas diferentes reunións con operadores turísticos explicámoslles a gran oferta de prazas hoteleiras, a súa categoría e os servizos que ofrecen, o tipo de comercio que temos, referente comarca, as especialidades gastronómicas que poden atopar na nosa hostalería, as empresas de ocio das que poden desfrutar os seus clientes… O turismo é o principal motor económico da nosa vila. Por iso debemos seguir traballando na promoción de todo aquilo que Ribadeo pode ofrecer, así como en aumentar e mellorar tanto a nosa oferta como os servizos turísticos ofertados polas nosas empresas. A implicación do sector é un piar fundamental na nosa promoción como destino turístico, por elo, Acisa segue asistindo ano a ano a esta Feira desde case a súa fundación”.
Acisa estará presente en Fitur do 22 ao 24 de xaneiro, conxuntamente co Concello de Ribadeo. A asociación ribadense asistirá a algunhas das presentacións das novas campañas turísticas da comarca que se presentarán ao longo deses días no stand de Galicia en Fitur “co obxectivo de amosar o noso apoio a todas as iniciativas que contribúan á promoción turística de Ribadeo e da Mariña”, sinalou a presidenta de Acisa, Carmen Cruzado.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
