Javier Castiñeira lamenta que “PSOE e BNG se apuraran moito para subir impostos pero que non sexan capaces de sacar adiante os contratos que están caducados e q ue lle están custando moitos cartos aos focenses”
Foz, 3 de xaneiro de 2025. O Partido Popular atribúe á crise do bipartito que Foz aínda non teña Orzamento para o 2025. “Lamentamos que, a día de hoxe, iniciado o 2025, o Concello de Foz non teña orzamentos e que, de momento, nin se nos chamou para mostrarnos algún tipo de avance ou pedirnos algún tipo de propostas”, sinala o voceiro popular, Javier Castiñeira.
A parálise económica e administrativa é total e non se están tramitando expedientes nos que, como mínimo, se debería estar traballando como son o Orzamento do 2025, o contrato da Residencia de Maiores ou o contrato da auga caducado desde hai anos.
Javier Castiñeira lamenta que “PSOE e BNG se apuraran moito para subir impostos, entre eles o da auga, pero que non sexan capaces, debido á falta de traballo en equipo, de sacar adiante os contratos que están caducados e que lle están custando moitos cartos aos focenses mentres os servizos seguen en situación irregular”.
Nesta lexislatura, socialistas e nacionalistas só se puxeron de acordo para subirlle os impostos aos focenses pero os asuntos importantes están gardado no caixón ata que se resolva o conflito e as diferencias dentro da coalición, que só parece manterse por intereses extramunicipais.
“Foz está sen orzamentos e iso prolongará a parálise municipal que estamos a vivir e da que se queixan os veciños, os cales están fartos de pagar máis impostos tendo peores serivos”, explica o voceiro do PP de Foz.
Os populares piden que “os membros do bigoberno resolvan, canto antes, os seus problemas e se poñan a traballar que para iso o Concello está pagando catro dedicacións a un equipo de goberno que está totalmente aturdido”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
