Os populares farán constar no vindeiro pleno a necesidade de reparar o mal estado do firme e a presenza de baches de gran tamaño nalgunhas vías de competencia do Concello “para garantir unha circulación segura”
Vilalba, 29 de xaneiro de 2025. O PP de Vilalba urxe ao goberno bipartito de PSOE e Vilalba Aberta a intervir de forma urxente nas pistas das parroquias do rural para “garantir unha circulación segura”. Os concelleiros do Partido Popular trasladan ante o Pleno unha das queixas dos veciños e veciñas de moitas parroquias que sofren a diario o estado “deplorable” das pistas municipais.
Os populares xa teñen advertido desta situación que causa prexuízos na mobilidade diaria dos vilalbeses e vilalbesas debido ao mal estado do firme por falta de mantemento, sucesións de baches de gran tamaño, ausencia de asfalto nalgunha vía con zonas desfeitas. “Esa é a realidade que viven moitos veciños e veciñas cando saen das súas casas”, subliñan.
Algúns exemplos son a pista que vai dende o campo da festa de San Xoán de Alba ata a estrada Antiga Serra, a pista do Cotillón que une Alba e Torre ou a pista de Carralmaior. Tamén teñen advertido do mal estado de vías municipais nas parroquias de Carballido, Santaballa, Vilapedre, etc.
Os concelleiros do PP propoñen, concretamente, un plan específico para o arranxo das pistas que inclúa a priorización das vías máis deterioradas e a execución de melloras que garantan a seguridade viaria, como a reparación do firme e a limpeza das cunetas para unha adecuada evacuación das augas pluviais.
Os populares consideran que “esta é unha actuación prioritaria” para os vilalbeses e vilalbesas e pídenlle ao bipartito que “se poña do lado dos veciños e veciñas para ofrecerlles os servizos municipais que merecen”. Á vista de que Vilalba Aberta prometera o arranxo das vías do rural, tamén se dirixen á súa área para que dea a coñecer o plan para as actuacións neste 2025.
OBRAS E MANTEMENTO NO CASCO URBANO
Igualmente, esixen ao goberno local bipartito “explicar o plan de obras que din ter previsto para esta anualidade” toda vez que “no pleno do mes pasado confirmamos que está no mesmo punto que fai uns meses”.
Tamén esixen os concelleiros do PP explicacións ao goberno local sobre os motivos polos que os veciños e veciñas da rúa José María Chao Ledo estiveron sen iluminación pública durante unha semana e agora só dispoñen dalgúns puntos de luz porque algunhas farolas están apagadas.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
