Viveiro, 29 de xaneiro, 2025. A voceira de Viveiro polo BNG e tenenta de alcaldía, Míriam Bermúdez e Ana Pontón portavoz nacional, xunto cos deputados do BNG Dani Castro e Cristina Fernández Davila, deu hoxe un paso decisivo na defensa do Conservatorio Profesional de Música de Viveiro e da economía local. O BNG rexistrou no Parlamento Galego as 6.676 sinaturas recollidas en Viveiro, que, sumadas ás obtidas noutros puntos de Galiza, elevan a cifra total a 9.050. Este apoio masivo evidencia a importancia do caso singular de Viveiro e reforza a demanda de que a Xunta de Galicia asuma a xestión integral dos conservatorios.
Un clamor cidadán liderado polo BNG
Dende o inicio desta iniciativa, o BNG puxo o foco en trasladar ao Parlamento Galego a urxencia dunha solución para os conservatorios municipais. Segundo explicou Míriam Bermúdez, “o apoio maioritario da veciñanza demostra que Viveiro e Galiza reclaman unha xestión xusta para un servizo que é competencia da Xunta. A música e a educación deben estar garantidas por unha rede pública sólida e sostible.”
Cifras que avalan a necesidade dunha solución
O Conservatorio Profesional de Música de Viveiro supuxo en 2023 un custo de 1.141.676,22 euros para o Concello, unha carga económica que compromete recursos destinados a outras necesidades fundamentais. “Non é razoable que Viveiro teña que asumir en solitario esta responsabilidade. É o momento de que a Xunta actúe e asuma o que lle corresponde,” subliñou Bermúdez.
Compromiso do BNG no Parlamento
A deputada Cristina Fernández Davila, encargada de defender a iniciativa no Parlamento Galego, reiterou o compromiso do BNG de garantir a igualdade no acceso ao ensino musical. O obxectivo da formación nacionalista é a creación dunha rede pública de conservatorios comarcais que asegure unha educación musical de calidade, sen discriminacións entre concellos.
Unha mobilización sen precedentes
A recollida de 6.676 sinaturas en Viveiro reflicte o amplo respaldo social a esta demanda, impulsada polo BNG. “Agradecemos a implicación de todas as persoas que colaboraron nesta iniciativa. Nunca antes se lograra un compromiso tan grande da veciñanza e dos propios traballadores do Conservatorio,” destacou Bermúdez.
Despois do traballo realizado en Viveiro, o BNG continuará agora a súa presión política no Parlamento Galego, como segunda forza máis votada, para que a Xunta de Galicia asuma as súas responsabilidades.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
