A portavoz, Mariña Gueimunde, explica que “na reunión da xunta de portavoces do 31 de xaneiro de 2024 puidemos coñecer o informe técnico sobre os trámites realizados e pendentes; pero practicamente un ano despois non temos constancia de que o Concello realizada ningún da súa competencia”
Viveiro, 10 de xaneiro de 2025. O PP de Viveiro urxe ao goberno municipal bipartito a impulsar o PXOM “despois de 22 anos de gobernos de esquerdas -PSOE, BNG co apoio de XViveiro- e tantos anuncios por parte da alcaldía -especialmente de forma previa ás eleccións- sobre a inmediata aprobación provisional deste relevante documento en materia de planificación urbanística e ordenación do territorio do noso concello”.
Os concelleiros do Partido Popular agardan o apoio dos distintos grupos da corporación municipal no vindeiro pleno toda vez que “a aprobación do PXOM era un dos puntos do acordo programático entre o PSOE e XViveiro para facer alcaldesa á señora Loureiro”.
Concretamente, o PP propón instar ao goberno municipal a elaborar no prazo dun mes os informes técnicos, xurídicos e económicos de competencia municipal necesarios para determinar a situación real do PXOM de Viveiro e dar conta ao Pleno dos informes das diferentes administracións pendentes así como dos trámites e accións que restan para lograr a súa aprobación provisional.
A portavoz, Mariña Gueimunde, explica que “na reunión da xunta de portavoces celebrada o 31 de xaneiro de 2024 puidemos coñecer o informe técnico sobre os trámites realizados e pendentes; pero practicamente un ano despois non temos constancia de que o Concello realizada ningún”.
Concretamente, o informe recollía como trámites pendentes a notificación aos titulares catastrais de parcelas incorporadas en ámbitos de actuación; a contestación ás alegacións presentadas en trámite de exposición pública; a revisión e actualización de documentos de memoria e normativa urbanística atendendo ás modificacións do procedemento administrativo común, actividades, etc. e a proposta de dúas liñas de tramitación en caso de que, unha vez obtidos todos os informes sectoriais e corrixidas as deficiencias do documento, os cambios
introducidos no documento desde a aprobación inicial supoñan ou non unha modificación substancial.
Gueimunde puntualiza que “determinar se as modificacións introducidas no documento son ou non substanciais -despois de transcorrido un largo espazo de tempo dende o acordo para a aprobación inicial do PXOM no Pleno do 14 de abril do 2011- é un dos puntos que máis condiciona os prazos na tramitación”. En todo caso, con carácter previo á aprobación provisional polo Pleno, é precisa a emisión dos informes técnicos e xurídicos do servizo de urbanismo, o informe da secretaria municipal e o informe de intervención.
UN LASTRE PARA O DESENVOLVEMENTO DO CONCELLO
A portavoz popular explica que “o Concello de Viveiro non dispón de planeamento xeral adaptado á normativa vixente”. A ordenación urbanística provisional aprobada no 2006 é xenérica e demasiado restritiva debido ao seu carácter transitorio ata a aprobación do PXOM polo que “non responde aos problemas e necesidades do noso concello, coartando o seu desenvolvemento económico e sostible”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
