Viveiro, 3 de xaneiro de 2025. O Concello de Viveiro anuncia que os establecementos hosteleiros poderán pagar de xeito fraccionado en prazos a Taxa por ocupación de terreos de uso público local con mesas, cadeiras e outros elementos análogos con finalidade lucrativa.
Este fraccionamento foi acordado co sector hosteleiro da localidade nunha reunión mantida coa alcaldesa María Loureiro, a Concelleira de Comercio viveirense Iria Cotelo e o Concelleiro de Facenda do municipio Jesús Fernández.
O pagamento fraccionado poderá ser solicitado ata o día 13 de xaneiro. Neste caso, os cargos realizaranse en tres prazos, cada un do 33,33% do total: o 21 de xaneiro, o 21 de marzo e o 21 de abril.
No caso de que o cobro do primeiro prazo sexa devolto por parte da entidade financeira, o pagador quedará obrigado a abonar a totalidade do recibo no período ordinario de pagamento, perdendo desta maneira posibilidade de pagar de xeito fraccionado no segundo e no terceiro prazo.
Para quen non opte por esta modalidade, o período de pago voluntario da taxa por uso das terrazas estará dispoñible entre o 10 de xaneiro e o 10 de marzo de 2025.
O Boletín Oficial da Provincia de Lugo de mañá, sábado 4 de xaneiro, incluirá o Padrón Fiscal desta taxa. Con esta publicación ábrese o periodo de exposición pública por espazo de 15 días hábiles, é dicir, do 7 ao 27 de xaneiro de 2025.
As persoas titulares de terrazas poden dirixirse á Oficina de Tesourería do Concello de Viveiro para consultar os importes asignados, realizar modificacións, solicitar aclaracións ou obter máis información.
María Loureiro quixo lembrar que “durante tres anos, con motivo da pandemia do Covid 19, o Concello de Viveiro eximiu á hostalería deste pago durante un periodo de tres anos”.
Pola súa banda, Iria Cotelo apuntou que “o fraccionamento desta taxa foi froito do consenso acadado entre o Concello e a hostelería de Viveiro, polo que agardamos que sexa satisfactorio para todos os establecementos”.
Por outra parte, dende a Concellería de Comercio dirixida por Cotelo infórmase de que xa se poden tramitar as solicitudes de terrazas para a anualidade 2025.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
