Os obxectivos dos mesmos son biolóxicos, ecolóxicos e socioeconómicos, co fin de asegurar a protección da biodiversidade e os ecosistemas mariños, así como a creación e mantemento de emprego
Ribadeo, 3 de xaneiro de 2025. A Xunta de Galicia pon en marcha 153 Plans de Xestión de Recursos Específicos e Algas en Galicia para o trienio 2025-2027, que se distribúen do seguinte xeito: 148 destinados ás confrarías de pescadores ou entidades asociativas do sector que se dedican ao percebe, aos solénidos, equinodermos, peneira, algas, anemones e poliquetos; e 5 para a empresas especializadas na transformación e na comercialización das algas.
Así o adiantou este vernes o conselleiro do Mar, Alfonso Villares, durante a visita realizada ao Centro de Cultivos Mariños (CIMA) de Ribadeo, onde explicou que, por provincias, 78 corresponden á de A Coruña, 15 á de Lugo e 57 á de Pontevedra. A estes hai que engadir outros 3 que teñen autorizada a recollida nun ámbito supraprovincial. Este plans atenden distintos obxectivos. En primeiro lugar, biolóxicos, que están relacionados co uso sustentable e a longo prazo dos recursos específicos e das algas. Ecolóxicos, nos que destaca a participación das persoas mariscadoras en actividades relacionadas coa protección da biodiversidade e ecosistemas mariños. Así, destaca a participación do sector na recollida del lixo. O 69% dos plans de xestión contemplan estas actividades, o que amosa o elevado grado de implicación do sector. Neste senso, estes instrumentos xestores tamén recollen actuacións de limpeza de algas ou elementos prexudiciais para o medio mariño que son necesarias para evitar efectos negativos nos recursos, e que, co Decreto 153/2019, poden realizarse todos os días do ano, requirindo só comunicación previa á administración.
E, en terceiro lugar, os obxectivos socioeconómicos, que están dirixidos á mellora dos ingresos e ao mantemento ou creación de emprego. Así, está prevista a incorporación de profesionais, o que contribuirá a consolidar os niveis de ocupación e a dinamizar a economía na costa galega.
Deste xeito, a previsión de incorporación de novos participantes para o ano 2025 é de 150 novos no marisqueo a pé, e de 38 embarcacións que pasarán a adquirir algunha das modalidades de recursos específicos no seu permiso de explotación así como se pode incrementar os participantes en 99 habilitacións. No marco do período 2022-2024 incorporáronse 80 na modalidade de a pé e 77 embarcacións adquiriron algunha das modalidades de recursos específicos no seu permiso de explotación.
Novidades nas zonas de explotación
As zonas marisqueiras mediante os plans de xestión conformarán unha rede planificada de zonas naturais, deseñada e xestionada para proporcionar un amplo abano de servizos ecosistémicos e protexer a biodiversidade, o que atende ao concepto de infraestrutura verde (azul no medio acuático). Ademais, recóllese a posibilidade de que en situacións extraordinarias e datas de Semana Santa e decembro, se poida realizar a actividade extractiva en sábados e días festivos.
Ao abeiro, do establecido no artigo 13.2 da norma citada anteriormente, do 21 de novembro, nos plans de percebe se poden reservar zonas de extracción para a semente de mexillón. Neste caso, para o trienio 2025-27, apróbanse 14 plans de percebe xestionados por 12 confrarías nos que se reservan espazo para explotar a cría deste molusco. Esta medida reguladora da actividade marisqueira ten por obxecto a protección e conservación do percebe en zonas concretas do ámbito do plan de xestión, garantindo a compatibilidade da extracción de percebe e semente de mexillón e que ambas actividades se desenvolvan de forma harmoniosa. Isto suporá que dentro do plan de xestión pode haber zonas nas que se poderá extraer percebe e semente de mexillón (zonas de reserva para a extracción de semente de mexillón), e outras zonas nas que só se poderá extraer percebe (zonas de explotación exclusiva de percebe).
Novos plans para o percebe e a mexilla
Para a Costa da Morte aprobouse un novo plan de xestión de algas na modalidade de a pé á confraría de pescadores de Camariñas e na ría de Muros-Noia, para o mergullo ás confrarías de Porto do son, Portosín e Noia; na zona V (Fisterra) para equinodermos na modalidade de a pé á confraría de pescadores de Corcubión; e, na de Arousa, de solénidos na modalidade de mergullo á confraría de Vilaxoán.
Os mapas das zonas de reserva para a extracción de semente de mexillón e das zonas de explotación exclusiva de percebe estarán publicados na páxina web: https://www.pescadegalicia.gal/gl/zonasreservamexilla_zonasexclusivaspercebe.
Asemade, durante o desenvolvemento dos plans, A xestión do recurso nos plans de xestión vixentes, xunto co seguimento técnico permanente, permiten que os departamentos territoriais a petición das entidades, e en función do seguimento técnico, poderán autorizar períodos de actividade superiores a un mes, o que permite maior simplificación administrativa para as entidades asociativas do sector.
De igual xeito que en anos anteriores, aquelas entidades asociativas que así o recolleron nos seus plans de xestión, reservan zonas nas que os titulares de licenzas de pesca marítima de recreo en superficie podan capturar un máximo de 50 poliquetos/día, sen interferir coa actividade extractiva. As zonas reservadas polas entidades asociativas do sector para este fin publicaranse na páxina web https://www.pescadegalicia.gal/gl/poliquetos.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
