Así o denunciou hoxe o Voceiro Socialista, Pablo Díaz, quen subliña que levan dende de decembro sen pediatra, o que está xerando unha gran preocupación e malestar nas familias do municipio
Abadín, 13 de xaneiro de 2025. O Grupo Municipal Socialista de Abadín esixe á Xunta de Galicia que actúe de forma inmediata para restablecer o servizo de pediatría no centro de saúde do municipio, que se atopa sen pediatra desde o mes de decembro. A situación está a xerar un profundo malestar entre as familias, que ven como a atención sanitaria dos seus fillos e fillas queda desatendida.
O seu Voceiro, Pablo Díaz, denuncia que, segundo o persoal do propio centro de saúde, este mes de xaneiro non haberá pediatra dispoñible e que a previsión para febreiro tampouco é alentadora. “Estamos a falar dunha situación insostible que deixa as familias de Abadín nunha posición de total indefensión, obrigándoas a desprazarse a outros municipios para acceder a un servizo fundamental como é o pediátrico”, sinalou.
O malestar entre as familias non deixa de medrar, xa que esta situación, ademais de supor un trastorno importante na súa vida diaria, pon en risco a saúde dos nenos e nenas do municipio. “As familias están preocupadas, enfadadas e séntense abandonadas pola Xunta, quen ten a responsabilidade de garantir unha atención sanitaria digna para todos, independentemente de onde vivan”, afirmou Pablo Díaz.
Ademais, os socialistas alertan de que esta carencia sobrecarga o persoal médico do centro de saúde, que debe asumir tarefas para as que non está especializado, empeorando a calidade asistencial global. “A Xunta debe tomar medidas urxentes para dotar o centro de saúde de Abadín dun servizo de pediatría estable e adaptado ás necesidades da nosa poboación”, reclamou o voceiro socialista.
O PSdeG-PSOE de Abadín considera esta situación unha mostra máis do abandono ao que o Goberno galego somete aos municipios rurais, e comprométese a seguir traballando para que as demandas da veciñanza sexan atendidas e para que se garanta o dereito á saúde no municipio.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
