A Xunta avoga pola continuidade dos topes máximos de capturas e desembarques entre marzo e xuño por buque e día diferenciados entre os maiores de 120 GT ou de menos pero que conten con 12 ou máis tripulantes enrolados e o resto da frota
Santiago de Compostela, 27 de febreiro de 2025. A Consellería do Mar trasladou á Secretaría Xeral de Pesca, dependente do Ministerio de Agricultura, Pesca e Alimentación a proposta de que se manteñan os criterios de reparto das cotas de bocarte establecidos na resolución de marzo do 2024 para o establecemento de medidas de ordenación da pesqueira desta especie. Nesta liña avógase pola asignación de quilogramos por buque e día diferenciando as embarcacións de máis de 120 GT ou de menos pero que conten con 12 ou máis tripulantes enrolados así como dados de alta na Seguridade Social do resto da frota.
Así o fixeron remitindo unha nova carta -xa que o pasado 13 de febreiro foi remitida outra sobre o mesmo asunto sen recibir resposta algunha- ao organismo estatal que ten previsto publicar proximamente unha nova Resolución, na que tamén solicita que a frota do cerco poida consumir o 80% da cota dispoñible de bocarte da zona 8 del CIEM (ANE/08) no primeiro semestre deste ano. Deste xeito, o 20% restante sería utilizado ao longo do segundo semestre do 2025.
O Goberno galego realiza estas propostas recollendo ás demandas do propio sector, co cal mantén un diálogo fluído a través das súas entidades representativas, na que tamén se pide que se manteñan os criterios de topes máximos de capturas e desembarques para os buques de cerco do Cantábrico e Noroeste entre os meses de marzo e xuño que houbo no 2024.
A Xunta critica que nesta ocasión a frota galega non tivo oportunidade de participar e aportar propostas ao non ser consultada de cara a próxima publicación das medidas de ordenación desta pesqueira de gran importancia para a pesca galega. Ademais, a Consellería do Mar destaca que nos últimos días se está falando dun cambio no modelo de xestión en base a unha información que a Administración autonómica descoñece completamente.
Nesta liña, o departamento que dirixe Alfonso Villares, cuestiona a falta de transparencia coa que o Ministerio está a actuar adoptando medidas que alteran significativamente a proposta que formulara fai uns días á propia Consellería, e que, logo de requerir á Secretaría Xeral de Pesca información oficial de calquera cambio, continúan sen recibir a información necesaria para poder trasladala ao sector afectado. Desde o Goberno galego subliñan que o obxectivo non é outro que manter a debida coordinación co sector así como uns criterios de xestión que sexan compatibles co normal funcionamento deste segmento da frota.
TAC 2025
Segundo o establecido no Regulamento (UE) 2025/02 do Consello do 30 de xaneiro de 2025, polo que se fixan as posibilidades de pesca para determinadas poboacións de peixe en augas da Unión Europea e para buques comunitarios en certas augas extracomunitarias, o TAC analítico de bocarte ascende a 30.663 toneladas das cales corresponden a España 27.597 toneladas. A Xunta recorda que se ben o reparto inicial, segundo a estabilidade relativa entre España e Francia de 90% e 10% respectivamente, desde fai anos se veñen celebrando acordos entre os sectores pesqueiros de ambos países que posteriormente son referendados polos respectivos gobernos nacionais.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
