De Olano afea que “este proceder habitual do Goberno de Sánchez” conte co “aplauso do PSdeG e BNG” tamén no caso da condonación da débeda autonómica que “en realidade suporía para Galicia asumir preto de 600M€ máis de débeda”
A Mariña, 27 de febreiro de 2025. Os deputados do PP lucense no Congreso -Jaime De Olano, Francisco Conde e Cristina Abades- esixen explicacións ao Goberno de Sánchez ante unha das “discriminacións” ás que somete á Mariña, como é a que supón que os usuarios do tren de ancho métrico teñan que pagar mentres que en Asturias e Cantabria disfrutan da gratuidade nos abonos.
O mariñán Jaime De Olano advirte que “se prolonga no tempo sen ningún tipo de interese por parte do Goberno de Sánchez por corrixir esta situación”. Nese sentido, os deputados lucenses diríxense ao Executivo para que responda por escrito sobre os motivos polos que os usuarios do tren de ancho métrico nas provincias de Lugo e A Coruña non disfrutan da gratuidade dos abonos que sí disfrutan os usuarios de Asturias e Cantabria.
Os representantes do Partido Popular chaman a atención sobre esta situación derivada da compensación por parte do Estado ao Principado de Asturias e á Comunidade Autónoma de Cantabria polo atraso na entrega de material rodante previsto para o 2023, caso coñecido polos trens que non entraban nos túneles. A pesar de que afecta directamente á liña ao seu paso polas provincias de Lugo e A Coruña, Galicia non conta con esa mesma medida de compensación por parte do Goberno de Sánchez.
Os populares teñen pedido en reiteradas ocasións, “sen que o Goberno de Sánchez amosara ningún tipo de sensibilidade con Galicia e A Mariña, corrixir o agravio con respecto aos veciños asturianos e cántabros” porque “mentres eles poden viaxar de forma gratuíta, os da Mariña e Ortegal teñen que pagar”.
Así mesmo, ante o progresivo deterioro, os continuos incidentes -avarías ou atrasos- as queixas polas deficiencias -recortes en persoal, modernización da rede ou a supresión de servizos e frecuencias-, dende o PP lucense teñen reivindicado “un servizo de calidade”; ademais da modernización da liña entre Ribadeo e Ferrol que “non está electrificada”.
AGRAVIOS A GALICIA CO CONSENTIMENTO DO PSDEG E BNG
De Olano incidiu nos “continuos agravios que sofre Galicia, a provincia de Lugo e A Mariña” que é “un proceder habitual do Goberno de Sánchez que só se dedica a contentar aos seus socios independentistas”.
Así, o portavoz do Grupo Popular na Comisión de Economía, afea que “os socialistas galegos e os nacionalistas aplaudan a Sánchez en lugar de defender a Galicia” toda vez que “a proposta de condonación da débeda autonómica en realidade suporía asumir preto de 600M€ máis de débeda ao ter que asumir a estatal. Que non traten de enganarnos”.
De Olano engade que “o máis sorprendente é que Besteiro e Pontón queiran endosar 220 € de débeda a cada lucense, a cada galego, para pagar as débedas de Sánchez cos independentistas”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
