O delegado territorial, Javier Arias, visitou en Vilalba o centro Forma-T, que o ano pasado impartiu seis cursos nos que 83 persoas desempregadas melloraron a súa capacitación nos ámbitos da biomasa forestal e dos parques eólicos
Vilalba, 17 de febreiro de 2025. A Xunta ten aberto o prazo de presentación de solicitudes da nova convocatoria das axudas para financiar as unidades formativas en empresas, que conta cun orzamento de 8 millóns de euros. O obxectivo é impartir cursos que solicita o propio tecido produtivo, co compromiso de contratación de entre o 40 % e 60 % do alumnado participante.
Así o explicou hoxe en Vilalba o delegado territorial do Goberno galego, Javier Arias, durante unha visita ao centro Forma-T, que o ano pasado impartiu seis cursos no marco deste programa.
A través deles 83 persoas desempregadas melloraron a súa capacitación nas especialidades de reparación e manexo de equipos de recolección de biomasa forestal; reparación e mantemento de pas eólicas; e mantemento de parques eólicos.
Este programa impulsado pola Consellería de Emprego, Comercio e Emigración busca levar ás empresas formacións flexibles e á demanda das súas necesidades reais e das súas perspectivas de crecemento. Ao mesmo tempo facilítase a cobertura de vacantes e ofrécense oportunidades laborais ás persoas sen traballo.
Beneficiarios e detalles da convocatoria
Poden optar a estas axudas as empresas —soas ou agrupadas temporalmente—; entidades e titulares de centros inscritos para impartir formación profesional para o emprego na comunidade e, como novidade, entidades sen ánimo de lucro, como as asociacións empresariais.
Ao respecto dos cursos, serán presenciais e poderán realizarse nas propias empresas ou en entidades de formación homologadas. O compromiso de contratación será polo menos do 60% do alumnado se o contrato dura como mínimo seis meses; ou do 40 % se é por un período igual ou superior aos 12 meses.
O prazo de presentación de solicitudes prolongarase ata o 30 de setembro de 2025 e a data límite para a realización das accións formativas é o 28 de novembro.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
