O Partido Popular aposta por “manter o patrimonio do Concello” e “priorizar as actuacións necesarias en lugar de investir en grandes obras faraónicas que, aínda por riba, saen mal”
Vilalba, 4 de febreiro de 2025. O PP de Vilalba advirte que “unha parte do goberno local, Vilalba Aberta, recoñece a falta de mantemento en infraestruturas que son titularidade do Concello” nun intento por “pasar as culpas a outros” que vén a “evidenciar as diferenzas entre ambas partes do goberno bipartito que conforman co PSOE”.
Os concelleiros do Partido Popular inciden en que, ante o mal estado do campo de fútbol da Madalena, o auditorio municipal ou o Museo de Prehistoria e Arqueoloxía de Vilalba (MUPAV), “o mantemento nos últimos anos das infraestruturas de titularidade municipal por parte do goberno local foi nulo”.
“A falta de preocupación do goberno local polo mantemento e conservación das infraestruturas que son titularidade do Concello, e que ata agora se mantiñan en boas condicións para garantir a seguridade dos usuarios, evidénciase na partida orzamentaria dirixida a esa finalidade e que se reduce ano tras ano”, indican.
Dende o PP local agardan que “o goberno local tome decisións e adopte medidas para mellorar o estado do campo de fútbol e do auditorio -dúas infraestruturas moi empregadas por clubs e asociacións- e que non faga igual que co MUPAV, que o deixou desaparecer sen facer nada”.
Os populares xa teñen advertido en numerosas ocasións da necesidade de levar a cabo tarefas de conservación e mantemento para manter en boas condicións as infraestruturas municipais. De feito, sinalan que “o noso Concello dispón de infraestruturas importantes que colocaban a Vilalba como referente no ámbito deportivo e cultural; e non só na comarca da Terra Chá da que é capital, senón incluso da provincia”.
O Partido Popular aposta por “manter o patrimonio do Concello”, que é de tódolos vilalbeses, e “priorizar as actuacións necesarias” para garantir o correcto funcionamento do que xa está en marcha “en lugar de investir en grandes obras faraónicas que substitúan o que xa había e que, aínda por riba, saen mal”.
REPARACIÓNS NA RÚA DA PRAVIA ANO E MEDIO DESPOIS DE GASTAR 1,2M€
Os populares poñen como exemplo da “mala xestión do goberno local” a obra de renovación da rúa da Pravia: “tan só ano e medio despois da obra na que se gastaron 1,2M€ xa hai que arranxar as fochancas. Un proxecto desa magnitude non debería estar nesa situación”.
“A falta de mantemento da que fala o edil de Urbanismo tamén se aprecia nas obras novas que non son capaces de mantelas nun período breve de tempo”, conclúen.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
