O portavoz, Manuel Rouco, explica que “está a modificar o orzamento aprobado a mediados do ano anterior cunha cantidade que alcanza un desfase do 8% con respecto ao orzamento orixinal: unha barbaridade”
Burela, 1 de febreiro de 2025. O Grupo Municipal Popular de Burela denuncia a “incapacidade máis absoluta do goberno local encabezado pola señora López Moreno para completar a execución orzamentaria nun orzamento, por certo, aprobado a mediados de ano”.
“A súa incapacidade maniféstase á hora de ter que botar man de remanentes xa a comezos deste ano: preto de 650.000 euros para acabar de executar as obras que non se remataron no ano anterior. Falamos dun desfase do 8% con respecto ao orzamento orixinal: unha auténtica barbaridade”, valoran dende o Partido Popular.
O portavoz, Manuel Rouco, subliñou que “segundo os datos aportados nos decretos de alcaldía, a desviación que hai desde as previsións iniciais feitas pola alcaldesa nos seus orzamentos de mediados do 2024 e o aporte económico final de determinadas partidas, o desfase é enorme”.
Os populares xa advertiran no seu día que “nos sorprendía que había partidas con só 100 ou 1.000 euros. Eran anormalmente escasas”. Agora esas partidas foron modificadas para incrementarse ata 27.000 euros, 30.000 euros ou 54.000 euros”.
Rouco subliña que “a pesar de que sexa a deputada da área de Economía na Deputación de Lugo, parece que non aprendeu gran cousa. Sempre se encheu a boca explicando aos demais como se facía un orzamento e como se calculaban as previsións; pero, finalmente, demostra a incapacidade total e absoluta para a xestión orzamentaria”.
TINTES DITATORIAIS
Os populares tamén afean “os tintes ditatoriais da señora López Moreno á hora de dirixir os plenos” que definen o seu estilo á hora de dirixir o Concello de Burela: “o rodillo absoluto tratando de aplastar a todos os que non pensan coma ela. O clásico: ou estas comigo ou estás contra min”.
O portavoz explica que “no momento no que se viu acurralada cambiou a dinámica do pleno que ela mesma estableceu a principios de mandato segundo informou no primeiro pleno. Novamente sen consultar aos voceiros da oposición. Durante o propio pleno decidiu cambiar a marcha e a orde á hora de debater os puntos da convocatoria do pleno”.
“Este estilo ditatorial e a forma torticeira de empregar as institucións de forma partidista recórdanos ao que está a suceder en Madrid co señor Sánchez. Parece que en Burela ten unha alumna avantaxada neste sentido”, rematan.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
