A organización nacionalista constituíu hoxe os seus órganos de dirección comarcais
A Mariña, sábado 1 de febreiro 2025. Na mañá de hoxe o BNG da Mariña constituíu os seus órganos de dirección comarcal, como corresponde despois do proceso da asemblea nacional realizada en decembro. A Executiva Comarcal está encabezada polo responsable comarcal Antonio Veiga Outeiro e a vicerresponsable Iria Cotelo Cociña, completando este órgano de dirección Mario Pillado Mon, Montserrat Porteiro Sánchez, Daniel Castro García, Francisco Xavier Fanego Bermúdez, Ana Ermida Igrexas, Xorxe Caldeiro Díaz, e Miriam Bermúdez García. A maiores da executiva conforman o consello comarcal outros 25 membros, representativos de todos os concellos de A Mariña.
Catro mariñaos na dirección nacional do BNG
Forman parte tamén do Consello Nacional do BNG, máximo órgano entre asembleas, Ana Ermida Igrexas, Daniel Castro García, Iria Cotelo Cociña e Antonio Veiga Outeiro.
Preparadxs para o 2027
Na primeira sesión do ano celebrada este sábado, o BNG analizou a situación da comarca e perfilou as liñas de traballo e actuacións para os vindeiros meses, tendo tamén como referente as eleccións municipais do 2027. “Van ser dous anos intensos, donde A Mariña se xoga moito, tanto no seu conxunto como concello a concello e o BNG está preparado, con moitas ganas, con moitas incorporacións novas para afrontar todos os retos que a comarca tén por diante” manifestou oAntonio Veiga. En términos semellantes pronunciouse Iria Cotelo, afirmando que “ainda que o traballo vai ser moito e os problemas da comarca e dos concellos agrávanse, somos positivos porque na comarca hai xente loitadora e tamén sabemos que temos unha gran corrente de simpatía e ilusión arredor de nós que medra día a día”
Sanidade, servizos sociosanitarios, vivenda, infraestruturas, sectores produtivos e reactivación económica da comarca
As liñas de traballo que esbozaron hoxe os nacionalistas mariñaos para os vindeiros meses son: o apoio aos sectores produtivos, a sanidade e os servizos sociosanitarios, as infraestruturas, a reactivación industrial e económica da Mariña con un plan ao efecto, tal como levaron xa en meses pasados ao Parlamento, e a vivenda, tema que é prioritario para o BNG non só a nivel comarcal senón tamén a nivel nacional.
Apoio a Queremos Galego e a manifestación nacional do 23 de febreiro
O BNG, como integrante que é de Queremos Galego participa activamente en todos os actos previos á gran manifestación nacional que terá lugar en Santiago de Compostela o 23 de febreiro en defensa da lingua.
Así mesmo faranse en varias localidades da comarca diversos actos relacionados co Ano Castelao baixo o título “Castelao Nacionalista Galego”
O Concerto económico será outro tema a tratar en charlas informativas pola comarca.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
