Ribadeo, 13 de febreiro de 2025. Ata o 16 de febreiro segue a campaña de San Valentín de Acisa Ribadeo, que daba comezo o pasado día 6. A asociación ribadense sorteará dúas ceas para dúas persoas cada unha nos restaurantes San Miguel e Javier Montero e unha noite romántica no Parador de Turismo ribadense.
A presidenta de Acisa, Carmen Cruzado, declarou: “queremos que as persoas afortunadas celebren dun xeito especial o día dos namorados. O sorteo non presencial destes agasallos será o 19 de febreiro nas instalacións de Acisa Ribadeo, entre todas as rifas cubertas polos clientes que mercaran no comercio asociado entre o 6 e o 16 deste mes de febreiro”.
O xerente de Acisa, Jesús Pérez, lembrou que “foron repartidas 9.000 papeletas nesta campaña, 1.000 mais que o ano pasado. O sorteo será gravado en vídeo e colgado nas nosas redes sociais de Acisa e os gañadores serán informados por teléfono do premio que lles correspondeu”.
Cruzado Iglesias dixo: “animamos á nosa veciñanza a celebrar o amor en Ribadeo. A nosa hostalería ten preparados menús especiais para estas datas, tanto o 14 de febreiro como durante toda esa fin de semana”.
Pérez Prada indicou: “mercar no comercio de Ribadeo terá premio un San Valentín mais. Todas aquelas persoas que aínda non o fixeran poden atopar todo o que precisen nos negocios asociados a Acisa ata o vindeiro domingo, 16 de febreiro. Polas súas compras recibirán papeletas para participar no sorteo do vindeiro día 19”.
A presidenta da Acisa agradeceu “a colaboración dos nosos asociados, os restaurantes Javier Montero e San Miguel e o Parador de Turismo, que nos doan estes importantes premios para a campaña de San Valentín”. Os agasallos poderanse disfrutar segundo as condicións marcadas por cada establecemento. A campaña Acisa con amor está cofinanciada pola Xunta de Galicia.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
