Foz, 25 de marzo de 2025. A Aula Universitaria da UNED en Foz dá a coñecer a súa programación de actividades para o mes de abril, que inclúe catro cursos de extensión universitaria e dous eventos culturais abertos á comunidade. A oferta formativa busca responder ás necesidades sociais e educativas da contorna, con temáticas que van dende os primeiros auxilios ata a literatura e a sustentabilidade.
A coordinadora da Aula Universitaria da UNED en Foz, Marta Muiña, explica que “os cursos de extensión universitaria están deseñados para ofrecer formación especializada e aplicada en áreas de gran demanda. O noso obxectivo é achegar o coñecemento á cidadanía e proporcionar ferramentas útiles tanto para o ámbito profesional como para o desenvolvemento persoal”.
O primeiro curso que se impartirá será Primeiros auxilios e coñecemento do DEA en adultos, que se desenvolverá do 1 ao 29 de abril, os martes de 17:15 a 20:15 horas. Nel os participantes poderán aprender técnicas básicas de primeiros auxilios e o manexo do Desfibrilador Externo Automático (DEA), coñecementos esenciais para actuar en situacións de emerxencia. Tamén o 1 de abril comezará o Obradoiro de creación literaria, que se estenderá ata o 24 do mesmo mes con sesións de 16:00 a 19:00 horas. Este obradoiro está dirixido a persoas interesadas na escritura, que traballarán na construción de relatos e no desenvolvemento do seu propio estilo narrativo.
O 2 de abril dará comezo o curso Introdución á sustentabilidade e economía circular, que se impartirá ata o 7 de maio, os mércores de 17:00 a 19:30 horas. Neste espazo formativo abordaranse estratexias para a transición cara a un modelo económico máis sustentable, baseado na reutilización e redución do impacto ambiental. Posteriormente, o 22 de abril comezará o curso Convivencia escolar: estratexias de protección, mediación e resolución de conflitos nos centros educativos, que finalizará o 13 de maio. Esta formación, especialmente dirixida a profesionais da educación, será en horario de 16:00 a 20:00 horas e ofrecerá ferramentas para mellorar a convivencia nos centros escolares.
Ademais dos cursos de extensión universitaria, en abril celebraranse dúas actividades culturais. O día 15 ás 11:30 horas a Aula Universitaria da UNED en Foz acollerá Na busca dos ovos de Pascua, un xogo de pistas en inglés dirixido ao público infantil. Máis adiante, o 22 de abril ás 19:00 horas a Biblioteca Municipal da Casa da Cultura Salgado Toimil, de Foz, será o escenario da presentación do libro Piel de naranja, de Remedios Nieto Lorca, autora madrileña cun forte vínculo coa localidade focega.
A concelleira de Educación, Elena Martínez, subliña a importancia desta programación: “as actividades propostas reflicten o noso compromiso coa educación continua e a cultura. Apostamos por unha oferta variada que permita aos nosos veciños acceder a formación de calidade sen necesidade de desprazarse”.
Para máis información e inscricións as persoas interesadas poden contactar coa Aula Universitaria da UNED en Foz a través das súas canles habituais: a consulta da web oficial da UNED (www.uned.es) ou o contacto a través do correo foz@lugo.uned.es e os teléfonos 982.133.699 ou 604.034.549.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
