Cervo, 7 de marzo de 2025. A CIG denuncia a absoluta entrega do Goberno español aos plans de desmantelamento de Alcoa para o complexo de San Cibrao e o seu aval aos reiterados incumprimentos do acordo de viabilidade. A reunión celebrada este mércores no Ministerio de Industria coas direccións de Alcoa e IGNIS EQT e as cúpulas de CCOO-Industria e UGT-FICA en Madrid supón unha escalada no proceso de branqueamento dos proxectos da multinacional e un total desprezo ao comité, á CIG e aos demais sindicatos con representación na factoría mariñá. A exclusión da CIG e do comité de empresa é intolerábel e inxustificábel.
Que esta reunión, ao igual que a sinatura do memorando de entendemento (MOU) o pasado mes de xaneiro, se fixera de costas ao comité e aos sindicatos con representación neste -entre os que está a CIG-, deixa ás claras que o único obxectivo é lexitimar o incumprimento que Alcoa está facendo do acordo e asumir o plan de “inviabilidade” da multinacional, renunciando na práctica á realización da obra do forno e secuestrando como reféns os investimentos do rearranque e do DBR, o que deixa na estacada o futuro industrial da comarca.
Para o secretario xeral da CIG, Paulo Carril, resulta intolerábel que o Goberno español e a Xunta de Galiza -tamén asinante do memorando- acepten deste xeito a grave situación que se vive no complexo industrial de San Cibrao, despois dos chamamentos feitos polos traballadores e traballadoras á implicación das distintas administracións, das mobilizacións realizadas neste sentido, e incluso das proposicións aprobadas no Parlamento para garantir o cumprimento dos investimentos e o futuro do emprego tanto na empresa principal como nas industrias auxiliares.
Denuncia Carril que a dirección de Alcoa leva incumprindo o acordo de viabilidade ano tras ano, particularmente no referido aos investimentos na planta. Lamenta que, neste contexto, as administracións públicas “están actuando da mesma forma a como fixeron a comezos de 2019 cando o ERE da Coruña e Avilés, de costas ao comité, da CIG e dos outros sindicatos que non sexan CCOO e UGT, asumindo como prioridade o plan de actuación de Alcoa e non o que os traballadores e traballadoras están demandando dende hai meses, que non é outra cousa que o cumprimento do acordo ou unha solución que pasa pola intervención da SEPI”.
Neste sentido, insta aos Gobernos español e galego a seguir o exemplo do ano 2021 e impulsar un proceso de negociación coa multinacional no que participen todos os sindicatos presentes no comité e o propio comité de empresa, así como obrigar a Alcoa a materializar xa os investimentos acordados para evitar que se repita a desfeita industrial e laboral das plantas da Coruña e Avilés.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
