Ribadeo, 6 de marzo de 2025. A segunda charla, organizada pola Concellería de Benestar Social, Saúde e Familia, chegará este mes de marzo a Ribadeo o día 19 ás 18:00 horas no centro social. A conferencia tamén chegará ás parroquias dentro do programa Preto de Ti.
A charla será impartida pola enfermeira María Roel Pardo, que falará sobre a importancia de coñecer e sensibilizar sobre o Alzheimer.
A concelleira de Benestar Social, Saúde e Familia, Elena Sierra, lembrou que “o alzheimer, como unha das principais causas de demencia, afecta a un número crecente de persoas maiores en todo o mundo e que, a pesar dos avances, segue sendo unha enfermidade que require atención e compromiso social, tanto para as persoas que a padecen como para os seus familiares e coidadores”.
A edil ribadense subliñou que “é fundamental que a sociedade estea informada sobre a enfermidade, que se sensibilice para apoiar ás persoas que a padecen e as súas familias. Aínda que non hai cura, si podemos mellorar a súa calidade de vida ofrecendo ferramentas e recursos necesarios. A atención precoz, a formación dos profesionais e a creación de espazos de sensibilización son claves para o seu benestar”.
Segundo explicou a enfermeira María Roel “o obxectivo desta charla é informar sobre que é o alzheimer e como se diferenza dun envellecemento normal, dar a coñecer cales son os síntomas iniciais e a importancia da detección temperá. Ofreceranse ferramentas e recursos prácticos do día a día para manter a saúde cognitiva e reducir posibles riscos, ofrecendo prevención primaria. E aportaranse coidados efectivos para as persoas dependentes sen esquecernos do papel clave que ten a familia, o coidador destas persoas e o seu propio autocoidado, xa que é unha enfermidade que conleva un gran desgaste emocional para as persoas do arredor”.
Elena Sierra indicou: “reiteramos e insistimos en que este tipo de formación contribúe a un maior benestar, autonomía e independencia das persoas maiores, e por iso a importancia de seguir traballando de forma conxunta para que as persoas maiores e as súas familias non se sintan soas. Este tipo de charlas sobre a saúde e o benestar están tendo moi boa acollida, polo que seguiremos apostando por elas”.
As vindeiras charlas que se impartirán nos próximos meses abordarán cuestións de autocoidado e saúde, os primeiros auxilios, a prevención de caídas ou os coidados da pel e as úlceras por presión.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
