“Tanto a deputada autonómica e o senador socialistas, Patricia Otero e César Mogo, como a propia alcaldesa minten e queren tratar de parvos aos nosos veciños xa que a iniciativa do Partido Popular, aprobada no Senado, inclúe a elaboración e execución dun proxecto de intervención por parte do Goberno de España, só ou en concorrencia con outras administracións”, subliña o voceiro popular, Roberto Díaz
Lourenzá, 6 de marzo de 2025. O Partido Popular acusa ao PSOE de tratar enganar aos veciños de Lourenzá respecto á rehabilitación integral do mosteiro de San Salvador de Lourenzá. “Tanto a deputada autonómica e o senador socialistas, Patricia Otero e César Mogo, como a propia alcaldesa minten e queren tratar de parvos aos nosos veciños xa que a iniciativa do Partido Popular, aprobada na Comisión de Cultura do Senado, inclúe a elaboración e execución dun proxecto por parte do Goberno de España, só ou en concorrencia con outras administracións”, subliña o voceiro popular, Roberto Díaz.
A emenda presentada polo PSOE foi rexeitada ao ser moito máis ambiciosa a proposta dos populares. Polo tanto, a iniciativa do PP non exclúe a aportación de ningunha administración mentres que a emenda do PSOE non comprometía o apoio do Goberno central con fondos propios á obra de rehabilitación do inmoble nin esixía que a administración central liderase este proxecto, aínda que actuase en concorrencia con outras administracións.
Díaz esixe aos representantes socialistas, á alcaldesa e ao Goberno de Sánchez que deixen de “tapar” con mentiras todas as promesas incumpridas e que se poñan a traballar con feitos a prol de Lourenzá e, neste caso concreto, do mosteiro de San Salvador. “O Goberno do PSOE en España díxolle non ao mosteiro no acceso ás axudas do 2% Cultural; sempre que os senadores se interesaron sobre os proxectos para rehabilitar o monumento, o Goberno confirmou que non tiña previsión de facelo; o Executivo central chegou a prometer unha obra de rehabilitación que superaría os 2M€ con cargo ao Plan Nacional para o turismo Xacobeo 21/22 que nunca chegou a executarse”, lamenta o voceiro do PP de Lourenzá.
En contraposición a todas estas promesas socialistas incumpridas, os populares laurentinos inciden en que a Xunta de Galicia é unha administración que ten demostrado o seu compromiso con este patrimonio arquitectónico. De feito, ten realizado obras ata en tres ocasións no monumento e, por exemplo, recentemente culminaba un investimento de máis de 360.000 euros para rehabilitar a súa igrexa.
“En definitiva, a Xunta de Galicia traballa con feitos e realidades e o Goberno de España nin está nin se lles espera xa que o único que fixo foi denegar constantemente as obras, primeiro as que anunciou o PSOE e que nunca chegaron eses 2M€, segundo as que solicitou o Bispado de Mondoñedo – Ferrol por importe de 3M€ que tampouco nunca chegaron e terceiro, que teñamos constancia, o Goberno central non ten investido nin un so euro neste monasterio”, finaliza Roberto Díaz.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
