Os deputados populares votan a favor do Plan Deputación a pesar de “non ser o plan que necesitan os concellos da provincia xa que precisa unha mellora nas súas bases e máis fondos” pero “votamos a favor por responsabilidade e porque é mellor ter un mal plan que non ter un plan de colaboración cos municipios”
Lugo, 25 de marzo de 2025. Os deputados do Grupo Provincial Popular votaron hoxe a favor do Plan Deputación para o ano 2025 “por responsabilidade e coherencia” xa que “a pesar de non ser o noso plan, é mellor contar cun Plan Deputación a non contar con ningún plan de colaboración cos concellos”.
O voceiro provincial popular, Antonio Ameijide, denunciou que con este Plan Deputación PSOE e BNG “poñen a dieta a máis da metade dos veciños da provincia” xa que a realidade é que o plan baixa os recursos a 32 concellos da provincia e conxélaos para case todos excepto 4.
Unha situación “totalmente inentendible” xa que “non se concibe que se baixen os recursos a tantos lucenses mentres aumenta o orzamento da Deputación nun 13% e a inflación sube nun 8%, o Plan Deputación so sube un 1%, o que significa que na práctica baixa o poder adquisitivo para todos”.
“PSOE e BNG someten aos concellos a unha dieta restritiva pero non a todos, algúns déixanlles saltala, porque hai catro nos que si aumenta a aportación”, en referencia a que Monforte, Lugo, Vilalba e Viveiro ven como aumenta a achega da Deputación.
Antonio Ameijide explica que esta situación vén dada xa que “José Tomé é o xefe de cociña do plan polo que decide que concellos poden picar entre horas, é dicir, quen se salta a dieta e ver como a achega da Deputación aumenta”.
O voceiro popular recorda a proposta realizada polo PP de aumentar os fondos do Plan Deputación en 10M€ para chegar así aos 30M€ en total, destinando a este fin os fondos que PSOE e BNG destinan cada venres en xunta de goberno a convenios con concellos gobernados unicamente por socialistas e nacionalistas.
“Destinar os cartos dos convenios ao Plan Deputación é a única forma de repartir dunha forma xusta, igualitaria e transparente os fondos provinciais”, afirmou.
Neste senso, Antonio Ameijide recorda como “a nosa proposta é posible realizala, o único que falta é vontade política por parte de PSOE e BNG” xa que non podemos esquecer que recibiron 20M€ dos tributos que os lucenses pagamos ao Estado e no pleno de hoxe aprobaron unha incorporación de 19,2M€ aos orzamentos deste ano froito da baixa execución de investimentos durante o 2024.
“Seguiremos a defender o incremento do Plan Deputación porque todos os cartos que destinan a convenios a dedo deben de destinarse a este plan para poder distribuílos de forma transparente e igualitaria” recordou Ameijide, sinalando que durante o pleno de hoxe “propuxemos a PSOE e BNG destinar ao Plan Deputación parte do suplemento de crédito que trouxeron a debate, pero unha vez máis negáronse”.
SUPLEMENTO DE CRÉDITO
Antonio Ameijide recordou que PSOE e BNG aprobaron unha modificación dos orzamentos de 2025, vía suplemento de crédito, “para poder seguir engordando os cartos que destinan aos convenios a dedo cos concellos amigos”.
Unha proposta para facer unha incorporación de crédito de 19.239.655€ dos que 7.220.000€ se destinarán a convenios a dedo, o 37,5% do total. “Destes 7.2M€, o PSOE resérvase 4M€ mentres que o BNG 3.220.000€, unha nova mostra da dedocracia que aplican socialistas e nacionalistas na Deputación de Lugo”, sinalou.
Antonio Ameijide insiste: “Eses 7.220.000€ deberían de destinarse ao Plan Deputación para poder repartilos de forma xusta e igualitaria entre todos os concellos da provincia e non só entre os que deciden PSOE e BNG”.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
