O Concello tramitou 11 expedientes de solicitudes de subvencións para investimentos, ademais doutros 8 para gastos correntes e persoal, para lograr fondos da administración galega
Barreiros, 27 de marzo de 2025. O Concello de Barreiros está á espera da resolución de 11 solicitudes de axudas realizadas á Xunta de Galicia para determinar parte dos investimentos que realizará neste ano. Durante estes tres meses, explica a alcaldesa, Ana Ermida, “preparamos e tramitamos máis dunha ducia de expedientes para conseguir financiación para poder realizar investimentos tan importantes como melloras no parque empresarial, o alumeado do paseo marítimo, a mellora da zona de parque e aparcamento nos Martices ou as escolas de Vilamartín Pequeno”.
Ademais destes investimentos, solicitados ao abeiro de convocatorias destinadas a parques empresariais, prevención de riscos ante o cambio climático, mellora de infraestruturas ou corrección de impactos paisaxísticos, tamén prevén mellorar a eficiencia enerxética do Centro Social de San Cosme, mediante o illamento e o cambio de luminarias; a adquisición de maquinaria para a limpeza viaria e espazos públicos, composteiros domésticos e contenedores para o punto limpo municipal e puntos limpos de proximidade fixos para colocar en núcleos de poboación.
Igualmente, solicitaron a mellora de varias vías de titularidade municipal en Benquerencia, Vilamartín Grande e Cabarcos; tanto individualmente, como xunto ao Concello de Trabada.
A totalidade dos investimentos previstos suma 676.532,01 euros, dos cales aspiran a obter 530.965,72 euros subvencionados; aportando os 145.566,29€ de diferencia con fondos propios municipais.
A alcaldesa, Ana Ermida, explica que “para poder financiar determinados investimentos temos que concorrer a diversas liñas de axuda que, en moitos casos, se resolven por orde de chegada e sen aplicación de criterios que valoren as necesidades municipais específicas. Deste xeito, o traballo administrativo para obter financiación é inxente e ocupa grande parte dos esforzos municipais; quedando ademais sempre pendentes da resolución final das axudas para saber se é posible realizar os investimentos ou non”.
Neste sentido, a rexedora insiste na “necesidade de que a Xunta de Galicia dote aos Concellos de mecanismos de financiación obxectivos e que se coñezan con anterioridade e que permitan aos Concellos organizar os seus investimentos de xeito autónomo e atendendo ás prioridades e necesidades de cada municipio”.
Expedientes para funcionamento e contratación de persoal
Ademais das solicitudes de axuda para investimentos, o Concello de Barreiros tamén solicitou ata 8 subvencións, por un importe de máis de 188.000 euros para contratación de persoal e funcionamento de servizos.
Nestas liñas de axuda, inclúese o persoal de prevención e extinción de incendios, socorrismo e vixilancia nas praias ou peóns medioambientais.
En canto aos servizos nos que o Concello de Barreiros opta a financiación da Xunta están o servizo de biblioteca, actividades culturais ou campamentos de verán.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
