Atender aos problemas derivados da falta de mantemento, da seguranza viaria, ás deficiencias do firme, a súa adaptación aos elementos de travesía urbana, así como o reforzo de medidas para rebaixar o perigo: recolle a iniciativa do BNG
Madrid, 26 de marzo de 2025. O Congreso aproba a iniciativa presentada e defendida polo Bloque Nacionalista Galego (BNG) para que o Goberno do Estado acometa un Plan Integral de mellora e rehabilitación da estrada N-640 que discorre por diversos concellos da Galiza, de Ribadeo a Vilagarcía. Con esta aprobación, o Executivo queda comprometido a levar a cabo actuacións urxentes para corrixir as graves deficiencias desta vía estratéxica, atendendo á seguranza viaria, á adaptación dos tramos urbanos e á mellora do firme.
A aprobación desta iniciativa obriga o Goberno a intervir en aspectos prioritarios como a rehabilitación urxente do firme, especialmente en localidades como Monterroso, Antas de Ulla, Lalín e Agolada, onde o deterioro é evidente e afecta a seguridade viaria. “Adaptación da N-640 como travesía urbana ao seu paso por todos os núcleos urbanos, especialmente en Meira, A Pontenova, Monterroso, Antas de Ulla, A Estrada, Silleda e Caldas de Reis” enumera o deputado. Para iso, explica Rego, requírese a aplicación de medidas de redución da velocidade, calmado do tráfico e instalación de semáforos, pasos de peóns e pasos elevados.
“Apróbase tamén o reforzo da seguranza viaria en tramos especialmente perigosos como Meira-Trabada e Monterroso, onde se rexistran accidentes de forma recorrente debido á configuración da vía e a ausencia de medidas adecuadas para reducir o perigo” afirma Néstor Rego. Así mesmo, a Comisión de Seguranza Viaria do Congreso da luz verde a crear carrís para vehículos lentos en zonas como a subida a Marco de Álvare (A Pastoriza), co obxectivo de mellorar a fluidez do tráfico e reducir os riscos de colisión.
Solucionar anos de pasividade e falta de mantemento
“A N-640 é unha arteria fundamental para a comunicación entre Lugo e Pontevedra, constituíndo unha das principais vías para o tránsito de mercadorías e persoas en diversas comarcas estratéxicas, pasando pola Mariña lucense, a comarca do Deza ou a do Salnés” sinala Rego durante a defensa da iniciativa. A ausencia dunha alternativa de alta capacidade para conectar estes territorios fai que a N-640 sexa un eixo esencial para a mobilidade e a economía das zonas polas que pasa.
Nos últimos anos, o aumento do volume de tráfico puxo de manifesto a grave deterioración da estrada, especialmente en tramos cun trazado sinuoso e curvas perigosas, como na zona de Agolada, onde son frecuentes as saídas de vía. A situación vese agravada pola falta de mantemento continuo, o que supón un risco para a seguranza dos condutores e viandantes.
“O BNG leva anos denunciando a situación precaria desta infraestrutura, advertindo que a falta de investimentos estatais está a prexudicar a seguridade viaria e a calidade das comunicacións na Galiza” di Rego. A estrada non só sofre deficiencias derivadas do escaso mantemento, senón que, en moitos casos, foi superada polo crecemento urbanístico das localidades que atravesa, sen que se adoptasen medidas adecuadas para a súa adaptación como vía urbana.
A situación é especialmente preocupante nos tramos urbanos da estrada, onde o tránsito de peóns convive con fluxos constantes de tráfico rodado sen as medidas de protección necesarias. Casos como os da Estrada e Caldas de Reis levan tempo sendo obxecto de denuncia por parte de veciños e colectivos sociais, que reclaman accións urxentes para evitar accidentes. Neste sentido, Rego lembra que a organización nacionalista ten rexistrada unha iniciativa na Comisión de Transporte para demandar o impulso da variante da Estrada.
A aprobación desta iniciativa representa un paso fundamental para garantir a modernización e seguranza dunha estrada estratéxica para a Galiza. O BNG exixe ao Goberno que concrete os prazos de execución do Plan Integral e que garanta os investimentos necesarios para acometer estas melloras de xeito inmediato.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
