Dende o PP de Lourenzá recordan como a Xunta de Galicia xa aportou no seu momento máis de 360.000€ para rehabilitar a igrexa, pero “é necesaria a implicación de máis administracións para evitar a perda do Mosteiro”
Lourenzá, 18 de marzo de 2025. Os concelleiros do PP de Lourenzá defenderán no vindeiro pleno unha iniciativa para que o Concello de Lourenzá inste ao Goberno de España a liderar e financiar, con cargo a fondos estatais, a obra de rehabilitación integral do Mosteiro de San Salvador de Vilanova, unha intervención para a que será necesario elaborar e executar un proxecto de intervención, para preservar, protexer e poñer en valor esta xoia patrimonial, arquitectónica e relixiosa declarada Conxunto Histórico-Artístico.
Este Mosteiro é un dos monumentos máis importantes de Lourenzá e un referente do barroco galego. Ademais, é unha das paradas fixas dos peregrinos que percorren o Camiño do Norte a Santiago de Compostela.
Nos seus inicios foi un mosteiro familiar dúplice e posteriormente adheriuse á orde beneditina. Consta dunha igrexa barroca que se converteu en igrexa parroquial, así como tamén posúe a casa abacial e dependencias monásticas, con dous claustros, que actualmente están inhabitadas.
Entre 1910 e 1942 recobra a vida monástica coa chegada de monxes dependentes de Samos. Disgregada esta comunidade e tras un tempo como Seminario Menor Diocesano, dependente do bispado de Mondoñedo, faise cargo do edificio o Concello.
Na actualidade acolle algunhas dependencias municipais e desde os anos 60 do século XX a edificación alberga tamén un interesante Museo de Arte Sacra.
Os concelleiros populares explican que “desafortunadamente algunhas das súas estancias presenten gran deterioro o que non soamente impide que sexa obxecto de visitas, senón que urxe a súa preservación de cara ao futuro”.
A Xunta de Galicia realizou un investimento de máis de 360.000€ para rehabilitar a igrexa, pero “é precisa unha actuación máis ambiciosa que require da colaboración entre administracións e tería cabida entre as financiadas con cargo a fondos estatais”.
Os concelleiros populares recordan que a alcaldesa de Lourenzá anunciara a sinatura dun convenio co Bispado de Mondoñedo-Ferrol para a cesión do inmoble e a execución dunha obra de rehabilitación que superaría os 2M€, con cargo ao Plan Nacional para o Turismo do Xacobeo 2021, pero “nunca chegou a executarse”.
Ante esta situación, dende o PP de Lourenzá instan a que o Goberno do Estado lidere a recuperación deste mosteiro porque “a súa perda suporía a desaparición dun fragmento único e irrepetible da nosa historia e da nosa arquitectura”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
