Na iniciativa que presentarán os deputados do PPdeG tamén se recolle que se planifique e se consignen os fondos necesarios para realizar periodicamente o correcto mantemento da estrada
Monterroso, 15 de marzo de 2025. A estrada N-640 é unha infraestrutura fundamental para a conectividade dos municipios galegos polos que transcorre, desde Trabada ata Vilagarcía de Arousa, pasando A Pontenova, Meira, Lugo, Guntín, Monterroso, Agolada, Lalín, Silleda, A Estrada, Cuntis e Caldas de Reis, entre outros, supoñendo o seu deplorable estado actual en moitos tramos un grave prexuízo tanto para a seguridade viaria como para o desenvolvemento socioeconómico de todos os concellos.
Así o manifestaron a presidenta provincial do PP de Lugo, Elena Candia; os deputados do PP no Congreso, Francisco Conde, Cristina Abades, Pedro Puy, Irene Garrido e Juan Bayón, ademais do alcalde de Monterroso, que comprobaron o nefasto estado da N-640 ao seu paso por este municipio e anunciaron que presentaron unha iniciativa na Comisión de Seguridade Viaria do Congreso dos Deputados, relativa á mellora da seguridade viaria nesta estrada.
A iniciativa que defenderán os populares pide priorizar e iniciar, con carácter urxente, as obras de reparación integral do firme, a mellora da sinalización horizontal e vertical, e a instalación de iluminación adecuada na N-640 en todos os tramos que presentan un estado máis deficiente, entre eles, en Meira e Trabada, A Pastoriza, Monterroso, Agolada, Lalín e Vilagarcía de Arousa.
Tamén é necesario que o Ministerio de Transportes e Movilidade Sostible asegure a planificación e o financiamento para o mantemento desta estrada, asegurando que se dispoña dun pavimento adecuado, sinalización visible e iluminación suficiente para favorecer unha circulación segura e fluída a todos os condutores.
A presidenta do PP na provincia de Lugo, Elena Candia, afirmou que “o mantemento desta estrada é unha reivindicación na que non imos a parar ata que se consiga porque é vía fundamental para a vertebración do territorio”.
O deputado Francisco Conde explicou que “a falta de mantemento ten convertido a N-640 nunha das estradas que peor estado ten en Galicia, presentando carencias graves, entre elas, o deterioro do firme, nomeadamente en tramos non urbanos, con condicións moi deficientes, fochancas e deformacións que incrementan o risco de accidentes”.
Especialmente preocupantes son varios treitos nos concellos de Meira, A Pastoriza, ou Agolada, zonas onde as sinuosas curvas, a mala iluminación, o mal estado da sinalización horizontal, dificilmente perceptible en numerosos puntos, ou o deficiente estado do firme, reducen notablemente a seguridade viaria.
Francisco Conde tamén fixo fincapé “no abandono” do Goberno de Pedro Sánchez á provincia de Lugo en materia de infraestruturas que está xerando un enorme problema de seguridade viaria e conectividade”.
Pola súa banda, o deputado por Pontevedra, Juan Bayón, expuxo a situación desta estrada nesa provincia, afirmando que “dende Agolada ata Vilagarcía, o estado da N-640 é lamentable, algo que pode verse que non se trata dun problema que xurda da noite a mañá, senón que son moitos anos de abandono por parte do Goberno de Pedro Sánchez”.
Juan Bayón recordou “as numerosas promesas de arranxo e mantemento incumpridas por Pedro Sánchez” porque a realidade constatable “son as fochancas, a deficiente sinalización e a falta de alumeado que son colaboradores necesarios no aumento da inseguridade viaria e, por conseguinte, aumentaron os accidentes de circulación”.
DEMANDA DE SOLUCIÓN PARA OUTRAS INFRAESTRUCTURAS
Francisco Conde tamén fixo fincapé “no abandono e maltrato” do Goberno de Pedro Sánchez á provincia de Lugo en materia de infraestruturas destacando que “Lugo é a única provincia de Galicia e do entorno que queda fóra da alta velocidade ferroviaria así como do Corredor Atlántico de Mercancías”.
O deputado do PP de Lugo recordou que “na provincia de Lugo tamén son moi necesarias as comunicacións por estrada, sendo prioritario rematar a autovía a Santiago e as autovías A-56 (Lugo-Ourense), A-74 (autovía da Mariña) e A-76 (Ponferrada-Ourense, que pasa por Monforte)”.
Juan Bayón recordou que “o PSOE segue sen cumprir os seus compromisos en materia de infraestruturas” poñendo como exemplo a variante de A Estrada “que segue sen materializarse, a pesar de ser un dos compromisos asinados por PSOE e BNG no pacto que levou a Pedro Sánchez á presidencia do Goberno en 2017 e, aínda en 2025, non se cumpriu”.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
