Tamén se está pechando a realización de xornadas informativas e formativas dirixidas aos fabeiros, para fomentar a incorporación de prácticas agronómicas na produción
Lourenzá, 11 de marzo de 2025. O Partido Popular de Galicia salienta o compromiso da Xunta de explorar todas as vías ao seu alcance para achegar liquidez aos produtores de Faba de Lourenzá e garantir que poidan afrontar a nova sementeira.
Representantes do PPdeG da provincia de Lugo e responsables do Goberno galego están a manter diferentes reunións de traballo co sector e cos municipios da zona para avanzar nestas cuestións. A primeira reunión celebrouse o 30 de xaneiro na Delegación da Xunta en Celeiro co presidente da Indicación Xeográfica Protexida (IXP) Faba de Lourenzá, José Cuadrado. Posteriormente, o pasado día 7 de marzo o delegado territorial da Xunta en Lugo, Javier Arias, e o director da Axencia Galega da Calidade Alimentaria, Martín Alemparte, mantiveron outro encontro con fabeiros e responsables municipais no que se sentaron as bases da colaboración a prol deste cultivo senlleiro da Mariña luguesa. Unha temática que se segue a abordar con diferentes encontros de traballo con produtores e responsables municipais da comarca.
Por parte da Xunta estase ultimando a apertura dunha liña de axudas orientada ao financiamento do investimento que precisan acometer os produtores para a nova sementeira. Estase procurando o necesario encaixe formal e legal desta medida, que se concretará á maior brevidade posible.
Por outra banda, tamén se está pechando a realización de xornadas informativas e formativas dirixidas aos fabeiros, para fomentar a incorporación de prácticas agronómicas na produción, tales como a rotación de cultivos, marcos de plantación, eliminación de virosis na semente, que se consideran necesarias para mellorar este cultivo.
Nesta liña, trabállase na organización deste tipo de encontros técnicos e a Consellería do Medio Rural xa puxo a disposición do sector o Centro de Formación e Experimentación Agraria (CFEA) Pedro Murias de Ribadeo para acoller estas xornadas, así como tamén para converterse en punto de realización de campos de ensaio.
A maiores, trabállase noutras liñas de colaboración. Entre elas salientan o apoio para a modificación do prego de condicións da Indicación Xeográfica Protexida (IXP), co fin de mellorar a comercialización e a rendibilidade para produtores de faba certificada. Tamén, a procura de saída comercial para a faba manchada (que non se certifica pola IXP), mediante a súa posible saída vía humus.
Ademais, valórase a realización de accións promocionais para o impulso do consumo, favorecendo a identificación nos puntos de venda da faba certificada e a posta en marcha dunha liña de traballo de investigación a través do CIAM de Mabegondo para analizar a eficacia actual dos tratamentos fitosanitarios e búsqueda de novos tratamentos para abordar a incidencia de fungos ante o cambio climático.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
