José Tomé defendeu este venres no Palacio de Congresos de Palma de Mallorca a estratexia turística da institución provincial na mesa de debate Retos do Turismo Responsable, no marco da VI Conferencia de Presidentes de Deputacións Provincias, Cabidos e Consellos Insulares
Lugo, 21 de marzo de 2025. O Presidente da Deputación de Lugo expuxo este venres no Palacio de Congresos de Palma de Mallorca o modelo de turismo sostible e de calidade que impulsa a Deputación, no marco da VI Conferencia de Presidentes de Deputacións, Provincias, Cabildos e Cosellos Insulares. Fíxoo durante a celebración esta mañá da mesa de debate Retos do Turismo Responsable, onde puxo como exemplo a estratexia turística pola que aposta a institución provincial baseada nun turismo de experiencias, que fomenta a xeración de emprego, a desestacionalización, o coidado do medio ambiente e a creación de riqueza para o territorio, especialmente nas zonas rurais.
José Tomé destacou que Lugo é unha provincia que combina a súa riqueza paisaxística co seu valioso patrimonio cultural e reivindicou o compromiso da Deputación cun modelo de turismo responsable que busca dinamizar a economía local, ao tempo que se poñen en valor os recursos naturais, culturais e etnográficos da provincia.
“Lugo é unha provincia rica en paisaxes naturais e patrimonio cultural, e estamos a traballar para que o turismo sexa unha ferramenta clave para o desenvolvemento sostible e equilibrado de todo o territorio, especialmente nas zonas rurais, onde o risco de despoboamento é unha realidade”, afirmou José Tomé, quen engadiu que “o noso modelo de turismo sostible ten en conta tanto as necesidades das comunidades locais como as dos visitantes, creando experiencias auténticas que respectan os valores naturais e culturais da nosa terra”.
O Presidente tamén sinalou a importancia de desenvolver produtos turísticos que abranguen todo o territorio e o fagan atractivo para os visitantes. “As masificacións combátese diversificando e xerando novos polos de atracción en lugares distintos aos tradicionais”, explicou e incidiu que “non hai en Lugo un lugar, por pequeno que sexa, que non mereza unha visita”.
José Tomé subliñou tamén a necesidade de desestacionalizar o turismo, creando unha oferta que se adapte ao longo de todo o ano, con rutas, actividades ou festividades que se ofrezan en diferentes épocas. “A nosa aposta é un turismo inclusivo que ofreza alternativas para todo tipo de público e que se adapte á realidade do territorio, desestacionalizando e creando novos polos de atracción durante todo o ano”, manifestou.
O mandatario provincial puxo como exemplo de éxito desta estratexia á campaña arredor dos camiños da auga, recentemente presentada na feira Fitur. Destacou que esta campaña fai visible unha parte menos coñecida, pero igualmente atractiva, da provincia en torno á agua que está presente en Lugo, “desde os ríos e humedais ata os paisaxes fluviais únicos do Miño e os canyons do Sil”, concluíu o Presidente.
A VI Conferencia de Presidentes de Deputacións, Provincias, Cabildos e Consellos Insulares, organizada pola Federación Española de Municipios e Provincias e a Fundación Democracia e Goberno Local, foi un espazo para a reflexión, a coordinación e o impulso de políticas estratéxicas nos gobernos locais intermedios de España, especialmente nas áreas de turismo, desenvolvemento sostible e xestión do territorio.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
