O que está facendo o alcalde de Foz, o señor Cajoto, co ciclo da auga é un auténtico escándalo. Non é xestión, é un simpa de libro: el convida, pero os veciños pagan. O PSOE e o BNG subiron as tarifas da auga sen dar opción a debate, e agora Cajoto ten a cara dura de presumir das obras que se van facer… co diñeiro que xa lles sacou do peto aos focenses.
A situación é sinxela: o alcalde “invita” a novas infraestruturas, pero quen paga son os cidadáns, que levan meses sufrindo un incremento da súas facturas sen ter claro a cambio de que. O máis grave é que este aumento de tarifas estivo completamente desligado do novo contrato da auga, o que impide agora que as empresas que opten á concesión poidan ofrecer rebaixas no prezo, tal e como propoñía o PP.
Desde o Partido Popular advertimos xa na última reunión sobre a necesidades de garantir unha posible rebaixa das tarifas no proceso de licitación. Con todo, Cajoto optou por priorizar as obras sobre a economía dos veciños, polo que decidimos non apoiar a súa postura. Este modelo de xestión é, ademais de antipopular, profundamente antidemocrático, pois os principais afectados -os usuarios- foron excluídos de calquera decisión ao respecto.
O contraste coa nosa xestión en 2018 é evidente. Daquela, o PP deseñou un contrato no que as tarifas entraban dentro da licitación, permitindo que as empresas ofertasen prezos máis competitivos. Agora, coa esquerda á fronte, só priman as obras, sen importar quen as paga.
A pregunta é inevitable: ¿por que Cajoto non seguiu o exemplo doutros concellos que buscaron financiamento en fondos Next Generation para mellorar o ciclo da auga sen cargar o custo sobre os cidadáns? O PP logrou 12 millóns de euros para a nova depuradora mediante este tipo de fondos, mentres que o goberno local actual decidiu que era mellor aplicar unha subida do 70% no prezo da auga.
Ademais, resulta sorprendente a incoherencia da esquerda focense. Cando estaban na oposición, PSOE e BNG defendían a municipalización do servizo e opúñanse a actualizacións progresivas das tarifas. Pero no momento en que tiveron o poder, non só mantiveron o modelo de concesión privada, senón que aplicaron unha das subas máis agresivas que se lembran.
Este contrato da auga é peor que o que nos propoñíamos porque Cajoto invita a obras que os veciños pagan, cando nós o que facíamos era buscar financiamento. Cajoto impón, cobra e logo sáelle gratis politicamente porque el non sofre as consecuencias. Pero os veciños si. No PP témolo claro: imos vixiar cada paso, denunciar cada abuso e loitar porque se reverta esta subida inxusta.
Se Cajoto quere obras, que busque cartos onde hai que buscalos. Pero que non lle meta a man no peto aos veciños de Foz mentres el fai política a costa do seu esforzo. Non llo imos permitir.
Javier Castiñeira. Portavoz do PP no Concello de Foz
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
