“A poboación está cada vez máis preocupada pola restrición do dereito á atención sanitaria na comarca e demanda solucións”
A Mariña, 20 de Marzo 2025. Unha crecente preocupación vense estendendo entre as persoas que viven na comarca da Mariña ante a imposibilidade de ter garanƟda unha atención sanitaria solvente. A ausencia de médicos de familia e pediatras nos centros de saúde da comarca, a falta de médicxs especialistas no hospital da Mariña, as dilatadas listas de agarda e as cada vez máis numerosas derivacións cara Lugo están a provocar que unha patente intranquilidade e angustia entre a veciñanza, consciente de que no caso dun accidente ou doenzas graves súbitas as posibilidades de conseguir unha atención sanitaria que garanta un desenlace positivo son cada vez máis limitadas.
Ante este deterioro intencionado dos servizos sanitarios operado polo Partido Popular de Galicia nestes últimos anos, que abarca todo o país e cuxa dimensión estratéxica en aras da privatización da atención sanitaria foi eficazmente recollida no documental “DEP, Destruír é o Plan” de SOS Sanidade Pública, a Plataforma na defensa da Sanidade da Mariña -da que o Sindicato Labrego Galego-Comisións Labregas (SLG-CCLL) forma parte- convoca este domingo, 23 de marzo, unha manifestación en demanda dunha sanidade universal, gratuíta, equitativa, de proximidade e de calidade.
Dende o SLG animamos a toda a nosa afiliación, así como a toda a cidadanía en xeral, a sumarse a esta convocatoria baixo o lema “Pola Resurrección da Nosa Sanidade”, que remite á vontade de recuperar os estándares de calidade de atención sanitaria aos que si podiamos acceder fai apenas uns anos, antes do recrudecemento dos recortes e depauperación dos centros de saúde públicos a favor dos privados, operados pola Xunta ao servizo das políticas neoliberais do Partido Popular de Galicia.
A manifestación partirá ás 12:00 horas da Cruz Vermella de Viveiro, atravesará a Ponte da Misericordia e rematará diante do Centro de Saúde.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
