A nova do día? Polo que representa aquí, case máis podería dicirse ‘a nova da época’…
Non nos enganemos. O norte vai cambiando. Ou el, ou a definición, ou ambos. Iso si, pouco a pouco. Moi pouco a pouco, de xeito que moi posiblemente non nos decatamos. Pero cambia.
O mesmo que co norte, parece que non nos decatemos de que as ideas sobre a posesión (de obxectos ou ideas, pero coido que tamén se podería engadir, persoas) ou sobre as regras comerciais tamén van cambiando. En particular, como con calquera idea, porque hai xente que pretende impoñer o seu propio patrón, as súas ideas. Normalmente, eses cambios van paseniño. Ata que alguén se sente forte abondo como para facer unha imposición e obrar sen máis consideración que a súa, que si mesmo. Entón, prodúcese dun ou outro xeito unha revolución, aínda que sexa para aplicar aquelo de ‘cambiar todo para que nada cambie’ de Giuseppe Tomasi di Lampedusa.
Non sei en que rematará o peche brusco de Sargadelos. Teño a miña teoría, pero recoñezo que é tan válida como a de calquera outro que mire dende fóra. Non me causou sorpresa que, segundo o xornal, o persoal da fábrica fose remiso a significarse e mesmo estivera a piques de mandar de volta a xente dos sindicatos, aducindo máis ou menos a que eran de fóra da fábrica mentres deixaban traslocer o medo a represalias; mesmo despois de ter sido anunciado o seu despìdo e de non deixalos entrar a traballar. E é que o movemento sindical foi literalmente afogado hai uns anos en confrontación co empresario.
Se pasamos ó empresario, Segismundo García, coido que se pode cualificar -como empresario, ideas ou persoa aparte- de exitoso despois de ter sumado empresas, facerse co control de Sargadelos tras acantoar a Isaac Díaz Pardo, marchar da empresa nun dos seus golpes de forza, volver, reflotala e facela navegar a toda vela. Ata onte. Polo medio, o dito da desaparición sindical na fábrica. E, dende onte, entendo que máis aló do peche de hoxe, doado de revertir ao menos sobre o papel, un pulso ás institucións e lexislación existente. Un pulso que, a resultas do pouco que teño escoitado do Presidente da Xunta, ten medio gañado: se non entendín mal, mentres apoiaba a inspección desencadeante da resignación empresarial, estaba disposto a facilitar as cousas ó empresario. Na ecuación, a máis, hai que meter a petición dunha forza de traballo con medo e sen unión nun marco legal, a loita entre diferentes administracións ou partidos, a influencia e soporte legal cara o futuro de subvencións xa recibidas ou que puidera recibir, o valor simbólico e patrimonial de Sargadelos, ou a posibilidade de intervención pública para expropiación, entre outros factores.
O norte? Segue a estar máis ou menos no mesmo lugar, pero para orientarse e atopalo hai que saber algo máis…
– Nota posterior: remato e xa me atopo cunha nova que contradí o peche patronal. Como digo no texto, isto móvese e non rematou…
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
