O Secretario Xeral do PSdeG na provincia de Lugo foi crítico con Por Viveiro “unha candidatura teóricamente progresista que se vendeu nos brazos do Partido Popular” e reprochou que antepuxeran intereses persoais á vontade que a veciñanza manifestou nas urnas
Viveiro, 7 de marzo de 2025. O Secretario Xeral do PSdeG na provincia de Lugo e Presidente da Deputación provincial, José Tomé Roca, denunciou este venres en Viveiro a “xornada de transfuguismo político” que se viviu no Salón de Plenos do Concello mariñán e cualificou de “lamentable” a sesión que investiu ao PP no Goberno local.
“E lamentable o que ocorreu aquí hoxe”, denunciou o socialista, para quen vimos de vivir “unha xornada de transfuguismo político”. Foi crítico coa formación Por Viveiro, “unha candidatura teoricamente progresista que se vendeu nos brazos do Partido Popular non sabemos a cambio de que aínda, pero saberémolo”. Ademais Tomé Roca reprochou que antepuxeran intereses persoais á vontade que a veciñanza manifestou nas urnas. “Hoxe produciuse unha traizón aos veciños de Viveiro por parte de Por Viveiro e estamos convencidos de que tomarán boa nota e en dous anos dirán que queren volver a ter o Goberno que merecen”, subliñou.
Valorou ademais que “o PP está na súa salsa neste tipo de situacións, é o que lle gusta, está habituado a comprar vontades e votos para facer mocións de censura e nós o que queremos é un Goberno digno en Viveiro”. Nese sentido asegurou que “desde a Deputación imos seguir a traballar lealmente co novo Goberno, como facemos con todos os concellos” e engadiu que “por suposto” seguirán apoiando á socialista María Loureiro, “que fixo un gran traballo como Alcaldesa de Viveiro”.
Pola súa banda, Loureiro asegurou que seguirá traballando desde a oposición aproveitando a perspectiva que lle dá a experiencia de Goberno e espera que isto sirva polo menos para “desbloquear proxectos clave que a Xunta de Galicia tiña para Viveiro”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
