A Xunta de Goberno sacou adiante unha nova convocatoria para que as entidades de Terras de Miño e Ancares poidan optar a subvencións de entre 2.000 e 12.000€ para financiar accións que promovan a posta en valor do patrimonio destes territorios
Lugo, 25 de abril de 2025. A Xunta de Goberno da Deputación de Lugo aprobou este venres triplicar este ano as axudas destinadas ao tecido asociativo das Reservas da Biosfera Terras de Miño e Os Ancares Lucenses que xestiona a institución provincial. Concretamente, a Deputación achegará un total de 340.000€ ás entidades e colectivos sen ánimo de lucro que traballan nestes territorios a través de diferentes convocatorias. Así o informou o Deputado de Promoción Económica e Social, Pablo Rivera Capón, tras a reunión semanal.
Explicou Rivera Capón que a Deputación sacou, por unha banda, unha nova convocatoria de axudas para financiar investimentos e outra para actividades.
En total serán 150.000€ para investimentos que promovan a posta en valor do patrimonio natural, cultural e paisaxístico destes territorios. Concretamente serán 100.000€ para repartir en proxectos que se enmarquen na Reserva da Biosfera Terras do Miño e outros 50.000€ para iniciativas que teñan que ver coa Reserva dos Ancares. “Unha nova liña de axudas coa que damos un paso máis no desenvolvemento sostible da nosa provincia e na conservación e posta en valor das Reservas da Biosfera”, valorou o Deputado, quen explicou que se trata dunhas axudas “que poñemos en marcha co obxectivo de complementar as xa existentes nestes territorios”.
Os solicitantes poderán recibir unha contía de entre 2.000 a 12.000€ que servirá para a reposición de sendas e camiños; a conservación de elementos culturais e etnográficos como hórreos, pallozas ou muíños; proxectos que promovan a información e a divulgación do patrimonio das Reservas como páxinas webs ou aplicacións; ou iniciativas para o fomento de emprego e a produción local tradicional.
Incremento das axudas para desenvolver actividades
Ademais a Xunta de Goberno aprobou reforzar economicamente a liña de axudas destinada a financiar as actividades impulsadas por estas entidades.
Unha iniciativa que, segundo lembrou o Deputado, o ano pasado contou cun orzamento de 110.000€ e permitiu levar a cabo un programa de máis de 40 proxectos relacionados co lecer saudable e a educación ambiental. “Este ano incrementaremos esta liña de axudas para as dúas Reservas nun 72%, ata os 190.000€”, detallou.
Concretamente, serán 120.000€ a repartir entre os colectivos que propoñan actividades para que se desenvolvan na Reserva da Biosfera Terras do Miño; e outros 70.000€ para actividades que teñan lugar na Reserva da Biosfera dos Ancares Lucenses. Os solicitantes poderán pedir, un ano máis entre 1.000€ e 7.000€ por cada proxecto.
O prazo de presentación de solicitudes para optar a calquera destas axudas -tanto para financiar investimentos como para financiar actividades- será de 15 días hábiles a contar a partir do día seguinte da publicación destas convocatorias no Boletín Oficial da Provincia, prevista para mediados da próxima semana.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
